រដ្ឋបាលខេត្តកោះកុង

លោក ប្រាក់ ប៊ុន្នី នាយខណ្ឌរដ្ឋបាលព្រៃឈើកោះកុង បានចូលរួមជាមួយមន្ត្រីរដ្ឋបាលព្រៃឈើថ្នាក់កណ្ដាលចំនួន ០៤នាក់ ដឹកនាំដោយលោក លិ វុឌ្ឍី ប្រធានការិយាល័យ នៃរដ្ឋបាលព្រៃឈើ ចុះពិនិត្យច្រវាក់ផលិតកម្មចម្រាញ់ប្រេងចន្ទន៍ក្រស្នា របស់ឈ្មោះ ឡា យ៉ាស់យ៉ា ស្ថិតនៅភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង។ សូមជម្រាបជូនជ្រាបថា សិប្បកម្មចម្រាញ់ប្រេងចន្ទន៍ក្រស្នាសម្រាប់ផ្គត់ផ្គង់ទីផ្សារក្នុងស្រុក និងផលិតសម្រាប់ការនាំចេញទៅក្រៅប្រទេស បានប្រើប្រាស់វត្ថុធាតុដើមឈើចន្ទន៍ក្រស្នា មានប្រភពពីចម្ការឈើដាំលក្ខណៈឯកជនរបស់ប្រជាពលរដ្ឋ ក្នុងខេត្តកោះកុង។

ថ្ងៃពុធ ១កើត ខែមិគសិរ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៣ ខែធ្នូ ឆ្នាំ២០២៣

ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង