លោក ចាន់ ធឿន សមាជិកក្រុមប្រឹក្សាឃុំថ្មសបានចូលរួម សហការជាមួយលោក សេង ប៊ុនណា នាយខណ្ឌជលផលខេត្តកោះកុង ព្រមទាំងមានការចូលរួមពីសហគមន៍នេសាទ ថ្មស អាជ្ញាធរភូមិស្រែថ្មី នាយប៉ុស្តិ៍រដ្ឋបាលឃុំ ព្រមទាំង ប្រជាពលរដ្ឋភូមិស្រែថ្មី សរុបចំនួន ៥៧នាក់ បាននាំគ្នាដាំកូនកោងកាងបន្ថែមចំនួន ៧២០០ដើម នៅចំណុច ព្រែកតាអាទិត នៃភូមិស្រែថ្មី ឃុំថ្មស ស្រុក បូទុមសាគរខេត្ត កោះកុង ។
ការដាំកូនកោងកាងនេះ នឹងចូលរួមអភិរក្សតំបន់ព្រៃលិចទឹក ជាពិសេស ព្រៃកោងកាងជាសម្ភពជីវៈចម្រុះ និងជម្រកមច្ឆាជាតិ ដែលមានសារៈប្រយោជន៍សំខាន់ចំពោះជីវភាពរស់នៅប្រចាំថ្ងៃរបស់ប្រជាពលរដ្ឋក្នុងសហគមន៍អាស្រ័យផលនេសាទ។
ប្រភព: រដ្ឋបាលឃុំថ្មស
---------------------------
ថ្ងៃសុក្រ ១១រោច ខែ កត្តិក ឆ្នាំថោះ បញ្ចស័ក ពុទ្ធសករាជ ២៥៦៧ ថ្មស, ថ្ងៃទី ០៨ ខែ ធ្នូ ឆ្នាំ២០២៣
