លោកស្រី អែម សុធារ៉ា អនុប្រធានទទួលបន្ទុករួម នៃមន្ទីរកសិកម្ម រុក្ខាប្រមាញ់ និងនេសាទខេត្តកោះកុង បានដឹកនាំមន្ត្រីជំនាញ ០៣រូប ចុះពិនិត្យការអនុវត្តដាំដុះដំណាំត្រសក់ផ្អែម សណ្តែកកួរ និងត្រប់ របស់កសិករ ឡាយ រ៉ន នៅភូមិជីត្រេះ ឃុំអណ្តូងទឹក ស្រុកបូទុមសាគរ ខេត្តកោះកុង។
ក្នុងនោះតាមការសាកសួរព័ត៌មានពីកសិករបានបញ្ជាក់ថា ផ្ទៃដីដាំដុះដំណាំត្រសក់ផ្អែមរបស់គាត់មានចំនួន ១ ២០០ ម៉ែត្រការ៉េ ចំណាយថ្លៃដើមប្រមាណ ២ លានរៀល ដោយរំពឹងទុកចំណូលចន្លោះពី ១០ ទៅ ១២ លានរៀល ដោយប្រើប្រាស់រយៈពេលដាំដុះចំនួន ២ខែ ហើយគាត់ចាប់ផ្តើមប្រមូលផលបណ្តើរៗចាប់ពីថ្ងៃទី០៨ ខែធ្នូ ឆ្នាំ២០២៣នេះ។
ថ្ងៃពុធ ៩រោច ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី០៦ ខែធ្នូ ឆ្នាំ២០២៣
ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង
