នៅសាលាឃុំអណ្តូងទឹក មានរៀបចំកិច្ចប្រជុំសម្របសម្រួលបញ្ហាទាមទាយកដីទំហំ៥០មx៧០ម ត្រលប់មកវិញរវាងឈ្មោះ ឈិន ផេង (ដើមបណ្តឹងត្រវជាឪពុកក្មេក) និងឈ្មោះ ផាន់ សីហា (ចុងបណ្តឹងត្រូវជាកូនប្រសារ) ដោយកូនប្រសារមិនបានបំពេញកាតាព្វកិច្ចមើលថែប្រពន្ធពេលមានជំងឺ ស្ថិតក្នុងភូមិតាមាឃ ឃុំអណ្តូងទឹក ស្រុកបូទុមសាគរ ខេត្តកោះកុង ក្រោមការដឹកនាំកិច្ចប្រជុំសម្របសម្រួលដោយលោក យិន យួត ជំទប់ទី១ និងជាប្រធានអង្គប្រជុំ។
ដោយមានការអញ្ជើញចូលរួមពីជំនួយការហិរញ្ញវត្ថុឃុំ និងជាលេខាកត់ត្រាកំណត់ហេតុ លោកមេភូមិតាមាឃ និងភាគីសងខាង។
កិច្ចប្រជុំត្រូវបានធ្វើការសម្របសម្រួលពីសំណាក់អាជ្ញាធរ ដោយផ្អែកលើមនោសញ្ចេតនាឪពុកក្មេកនិងកូនប្រសារ ជីតានិងចៅ ក្រោយមកភាគីដើមបណ្តឹងឈ្មោះ ឈិន ផេង បានយល់ព្រមប្រគល់ដីស្រែទំហំ ២០មx៣០ម ឲ្យទៅចៅស្រី(ជាដីដែលចែកឲ្យជំនាន់យាយមិនទាន់ស្លាប់) តែពុះយកដីទំហំ១៥មx៧០ម សល់៣៥មx៧០ម ប្រគល់ឲ្យចៅប្រុសទាំង៣នាក់ចែកគ្នាស្មើ (តាមស្ថានភាពដីជាក់ស្តែង ក្រោយអាជ្ញាធរនឹងធ្វើការវាស់វែងពុះចែកជូនពួកគាត់រួច)។
ប្រភព:រដ្ឋបាលឃុំអណ្តូងទឹក
-------------------------------------
ថ្ងៃពុធ ៩ រោច ខែកត្តិក ឆ្នាំថោះ បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី៦ ខែធ្នូ ឆ្នាំ២០២៣
ម៉ោង០៩:០០នាទីព្រឹក
