រដ្ឋបាលខេត្តកោះកុង

ផ្នែករដ្ឋបាលជលផលបូទុមសាគរ បានឃាត់ចាប់ទូកយន្តចំនួន ០១គ្រឿង នេសាទដោយប្រើឧបករណ៍ទំនើប (ឈ្នាងអូសខ្យងស) ស្ថិតភូមិសាស្រ្តនៅភូមិចម្ការលើ ឃុំថ្មស ស្រុកបូទុមសាគរ ខេត្តកោះកុង ក្រុមការងារបានកសាងសំណុំរឿងបញ្ជូនទៅសាលាដំបូងខេត្តកោះកុង ដើម្បីដោះស្រាយតាមនីតិវិធីច្បាប់ ហើយផ្នែករដ្ឋបាលជលបូទុមសាគរ សហការជាមួយនគរបាលប៉ុស្តិ៍រដ្ឋបាលឃុំថ្មស និងគណៈកម្មការសហគមន៍នេសាទឃុំថ្មស ធ្វើការប្រលែងខ្យងស ចំនួន ១ ៥០០ គីឡូក្រាម ចូលធម្មជាតិវិញនៅចំណុចភូមិស្រែត្រាវ ឃុំថ្មស ស្រុកបូទុមសាគរ ខេត្តកោះកុង។

ថ្ងៃចន្ទ ៧រោច ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី០៤ ខែធ្នូ ឆ្នាំ២០២៣

ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង