រដ្ឋបាលខេត្តកោះកុង

មន្ទីរផែនការខេត្ត បានសហការជាមួយទីចាត់ការផែនការនិងវិនិយោគនៃសាលាខេត្តកោះកុង បានរៀបចំវេទិកាពិគ្រោះយោបល់ ស្តីពី ការកសាងកម្មវិធីវិនិយោគបីឆ្នាំរំកិល២០២៤-២០២៦ ខេត្តកោះកុង និងផ្សព្វផ្សាយសិក្ខាសាលាសមាហរណកម្មកម្មវិធីវិនិយោគបីឆ្នាំរំកិល នៅថ្នាក់ក្រុង ស្រុក ក្រោមអធិបតីភាព លោក លឹម សាវាន់ នាយករដ្ឋបាលសាលាខេត្ត និងជាសមាជិកអចិន្រ្តៃយ៍នៃគណៈកម្មាធិការសម្របសម្រួលបច្ចេកទេសខេត្ត និងមានការអញ្ជើញចូលរួមពី ឯកឧត្តម លោកជំទាវ សមាជិកក្រុមប្រឹក្សាខេត្ត លោកប្រធានមន្ទីរផែនការខេត្ត លោកប្រធានការិយាល័យប្រជាពលរដ្ឋខេត្ត និងលោក លោកស្រី សមាជិកក្រុមប្រឹក្សាក្រុង ស្រុក លោក លោកស្រី អភិបាលក្រុង ស្រុក តំណាងសង្គមស៊ីវិលជុំវិញខេត្ត។

វេទិកានេះមានគោលបំណង ដើម្បីបង្ហាញអំពីតម្រូវការអភិវឌ្ឍន៍មូលដ្ឋាន និងសម្របសម្រួលបន្ស៉ីនូវតម្រូវការអភិវឌ្ឍន៍ទាំងនេះជាមួយគម្រោង និងធនធានរបស់ដៃគូអភិវឌ្ឍន៍ អង្គការសង្គមស៊ីវិល វិស័យឯកជន និងអ្នកពាក់ព័ន្ធនានា ដើម្បីឈានដល់ការឆ្លើយតប នឹងតម្រូវការរបស់ប្រជាពលរដ្ឋក្នុងខេត្តប្រកបដោយប្រសិទ្ធភាព។
ថ្ងៃចន្ទ ៧ រោច ខែកត្តិក ឆ្នាំថោះបញ្ចស័ក ពុទ្ធសករាជ ២៥៦៧ត្រូវនឹងថ្ងៃទី៤ ខែធ្នូ ឆ្នាំ២០២៣