លោក ប៉ែន ប៊ុនឈួយ អភិបាលរងស្រុក អញ្ជើញជាអធិបតី ក្នុងពិធីប្រារព្ធបើកបវេសនកាលឆ្នាំសិក្សា ២០២៣-២០២៤ នៅសាលាបឋមសិក្សាកោះកាង ក្នុងឃុំពាមក្រសោប ។
មានការចូលរួមពី លោក អ៊ូ ជុំ លោកស្រី ថុង ស្រីពៅ សមាជិកក្រុមប្រឹក្សាស្រុក ប្រធានការិយាល័យច្រកចេញចូលតែមួយ អនុប្រធានការិយា ល័យនីតិកម្ម និងសម្រុះសម្រួលវិវាទមូលដ្ឋាន និងអនុប្រធានការិយាល័យ អ.យ.ក.ស្រុក ក្រុមប្រឹក្សាឃុំពាមក្រសោប នាយប៉ុស្ដ៍នគរបាលរដ្ឋបាលឃុំ លោកគ្រូ អ្នកគ្រូ សិស្សានុសិស្សា និងអាណាព្យាបាល ។
ក្នុងនោះរដ្ឋបាលស្រុកមណ្ឌលសីមា បានចូលរួមឧបត្ថម្ភថវិកាចំនួន ២០០,០០០រៀល និងថវិកាផ្ទាល់របស់លោកអភិបាលរងស្រុក ចំនួន ១០០,០០០រៀល សរុបចំនួន ៣០០,០០០រៀល ។
ថ្ងៃសុក្រ ៤រោច ខែកក្តិត ឆ្នាំថោះ បញ្ចស័ក ព.ស ២៥៦៧
ត្រូវនឹងថ្ងៃទី០១ ខែធ្នូ ឆ្នាំ២០២៣
នៅវេលាម៉ោង៨:០០នាទីព្រឹក
