រដ្ឋបាលខេត្តកោះកុង

លោក គង់ មិនា ប្រធានការិយាល័យកសិ.ឧស្សាហកម្ម និងលោក ម៉ៅ ធីតា អនុប្រធានការិយាល័យក្សេត្រសាស្រ្ត និងផលិតភាពកសិកម្ម បានសហការជាមួយអង្គការសង្គ្រោះកុមារកម្ពុជាប្រចាំស្រុកស្រែអំបិល (គម្រោងស្ទៀរ) បានរៀបចំប្រជុំប្រចាំខែវិច្ឆិកា ឆ្នាំ២០២៣ របស់ក្រុមអ្នកផលិត។ រួចធ្វើការបិទបញ្ជីស្នាមក្រុមសន្សំប្រាក់ ក្រុមអ្នកផលិត មានអ្នកចូលរួមសរុបចំនួន ១៩នាក់ ស្រី ១៣នាក់ នៅភូមិខ្លុង ស្រែអំបិល ស្រុកស្រែអំបិល ខេត្តកោះកុង។

និងចុះតាមដានការប្រមូលផលដំណាំឪឡឹក ក្រុមអ្នកផលិតដំណាំឪឡឹក បានចំនួន 0១គ្រួសារ នៅភូមិត្រពាំងកណ្តោល ឃុំជីខលើ ស្រុកស្រែអំបិល ខេត្តកោះកុង។

ថ្ងៃព្រហស្បតិ៍ ១១កើត ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៣ ខែវិច្ឆិកា ឆ្នាំ២០២៣

ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង