មន្ទីរកសិកម្ម រុក្ខាប្រមាញ់ និងនេសាទខេត្តកោះកុង ៖ សហការជាមួយវិទ្យាស្ថានស្រាវជ្រាវកៅស៊ូកម្ពុជា ចុះអង្កេតជំងឺដែលបានកើតឡើងលើដំណាំកៅស៊ូ
លោក ញឹម សារុន ប្រធានការិយាល័យកៅស៊ូ និងលោក គង់ មិនា ប្រធានការិយាល័យកសិ-ឧស្សាហកម្ម បានសហការជាមួយវិទ្យាស្ថានស្រាវជ្រាវកៅស៊ូកម្ពុជា ចុះអង្កេតជំងឺដែលបានកើតឡើងលើដំណាំកៅស៊ូ នៅក្រុមហ៊ុន លឹម លុង ខូអិលធីឌី ស្ថិតនៅឃុំជីខក្រោម ស្រុកស្រែអំបិល និងក្រុមហ៊ុន ស៊ី អ៊ិន អេស៊ា អេហ្គ្រីខលឈ័រ និងក្រុមហ៊ុន កោះកុងរ៉ាប់ប៊ើរ ផ្លេនថេសិន ស្ថិតនៅឃុំអណ្តូងទឹក ឃុំតានូន ស្រុកបូទុមសាគរ ខេត្តកោះកុង។
ក្នុងនោះក្រុមការងារបានសង្កេតឃើញថាកៅស៊ូនៅក្រុមហ៊ុន ស៊ី អ៊ិន អេស៊ា អេហ្គ្រីខលឈ័រ និងក្រុមហ៊ុន កោះកុងរ៉ាប់ប៊ើរ ផ្លេនថេសិន មានជំងឺជ្រុះស្លឹកកៅស៊ូ នៅរដូវភ្លៀង (Pestalotiopsis) និងក្រុមហ៊ុន លីម លុង ណែនាំពីបច្ចេកទេសការជៀរជ័រ ការដាក់ជី និងការបាញ់ថ្នាំការពារជំងឺផ្សេងៗ។
ថ្ងៃចន្ទ ៨កើត ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២០ ខែវិច្ឆិកា ឆ្នាំ២០២៣
ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង
