លោក សុខ ភិរម្យ អភិបាលស្រុក និងជាប្រធានគណ:បញ្ជាការឯកភាពរដ្ឋបាលស្រុក បានចាត់តាំងលោក ថាន់ វីណៃ នាយករងរដ្ឋបាលសាលាស្រុក ដឹកនាំកម្លាំងគណ:បញ្ជាការឯកភាពរដ្ឋបាលស្រុកចុះល្បាតចាប់សត្វពាហន: គោ ក្របី ពពែ ដើរពាសវាលពាសកាលតាមផ្លូវសាធារណ: ក្នុងទីប្រជុំជនក្នុងភូមិសាស្រ្តស្រុកមណ្ឌលសីមា ជាពិសេសក្នុងឃុំប៉ាក់ខ្លង។ ជាលទ្ធផលការចុះពិនិត្យជាក់ស្តែងឃើញថា÷
- ចំណុច ឆ្នេរ២០០០ ឃើញថា មានគោចំនួន១១ក្បាល ដើរលើផ្លូវ ហើយក្រុមការងារដឹកនាំកងកម្លាំងធ្វើការឡោមព័ទ្ធចាប់ ហើយក៏អ្នកឃ្វាលគោចេញមក ដេញគោទាំងនោះចូលក្រោល កងកម្លាំងបានចុះស្វែងរកក៏បានជួបម្ចាស់គោ ដែលមានឈ្មោះ ប៊ុន មី និងបានណែនាំ មិនអោយព្រលែងទៀត បើចាប់បានលើកក្រោយ និងបញ្ជូនទាំងគោ ទាំងម្ចាស់មកធ្វើកិច្ចសន្យា ដែលមិនអនុវត្តទៅតាមសេចក្តីជូនដំណឹងរបស់រដ្ឋបាលខេត្ត និងសេចក្តីជូនដំណឹងរបស់រដ្ឋបាលស្រុក - ចំណុចមុខតំបន់សេដ្ឋកិច្ចពិសេសកោះកុង មិនមានសកម្មភាពម្ចាស់ចិញ្ចឹមសត្វពាហន:អោយព្រលែងដើរពាសវាលពាសកាលនោះទេ ។ ការចុះល្បាតនេះត្រូវបានបញ្ចប់នូវវេលាម៉ោង ១១.០០នាទីព្រឹក។
ថ្ងៃពុធ ៣កើត ខែកត្តិក ឆ្នាំថោះ បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី១៥ ខែវិច្ឆិកា ឆ្នាំ២០២៣
វេលាម៉ោង ៩.០០នាទីព្រឹក
