លោក ពេជ្រ សិលា អភិបាលស្ដីទី លោក ខេង គង់ អភិបាលរងស្រុក និងក្រុមការងារ បានទទួលទេយ្យទានពីព្រះតេជគណ ហ៊ាន់ ដើង ព្រះគ្រូចៅអធិការ វត្តគិរីបូទុម (ហៅវត្តតាអុក) ស្ថិតនៅភូមិប្រទាល ឃុំអណ្ដូងទឹក ស្រុកបូទុមសាគរ ដែលបានបរិច្ចាគទេយ្យទានជាគ្រឿងឧបភោគបរិភោគ និងបច្ច័យក្នុងនោះរួមមាន អង្ករ ២បាវ ស្មើ១០០គីឡូ មីម៉ាម៉ា២កេស មី៣រសជាតិ២កេស ទឹកស៊ីអ៊ីវ២យួរ ទឹកត្រី២កេស ភេសជ្ជៈ២កេស ប្រេងសណ្ដែក១ពីដុងស្មើ៥លីត្រ និងថវិកា ២០០,០០០រៀល ជូនអនុសាខាកាកបាទក្រហមកម្ពុជាស្រុកបូទុមសាគរ សម្រាប់យកមកចែកជូនប្រជាពលរដ្ឋជួបការលំបាកប្រចាំថ្ងៃ។ ក្នុងឱកាសនោះលោកអភិបាលស្ដីទី និងក្រុមការងារ សូមថ្លែងអំណរគុណយ៉ាងជ្រាលជ្រៅបំផុតប្រគេនចំពោះ ព្រះតេជគណ ព្រះគ្រូចៅ អធិការវត្តដែលមានទឹកព្រះទ័យជ្រះថ្លាបរិច្ចាគទេយ្យទានជាគ្រឿងឧបភោគបរិភោគយ៉ាងច្រើនសន្ធឹកសន្ធាប់ជូនអនុសាខាដើម្បីបម្រើសកម្មភាពមនុស្សធម៌របស់អនុសាខាកាកបាទក្រហមកម្ពុជាស្រុកបូទុមសាគរ។
ប្រភព:រដ្ឋបាលស្រុកបូទុមសាគរ
===================
ថ្ងៃព្រហស្បតិ៍ ៤ រោច ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២ ខែវិច្ឆិកា ឆ្នាំ២០២៣
