រដ្ឋបាលស្រុកបូទុមសាគរ មានកិត្តិយសសូមជម្រាប ជូន បងប្អូនប្រជាពលរដ្ឋ នៅក្រៅមូលដ្ឋាន និងនៅក្នុងមូលដ្ឋានស្រុកបូទុមសាគរ ឲ្យបានជ្រាបថា៖ ប្រសិនបងប្អូនប្រជាពលរដ្ឋ ត្រូវការទទួលសេវារដ្ឋបាលសាធារណៈផ្សេងៗ នៅរដ្ឋបាលឃុំ/ស្រុក នៅ ក្នុងមូលដ្ឋានស្រុកបូទុមសាគរ ខេត្តកោះកុង។
ដូចនេះរដ្ឋបាលស្រុកបូទុមសាគរ តម្រូវឲ្យបងប្អូនប្រជាពលរដ្ឋ មកទទួលសេវារដ្ឋបាល សាធារណៈ នៅរដ្ឋបាលឃុំ/ស្រុក នៅក្នុងមូលដ្ឋានស្រុកបូទុមសាគរ ដោយសាមីខ្លួនផ្ទាល់ ដោយពុំ តម្រូវឲ្យមាន ភាគីកណ្ដាល(ឬក៏អ្នកទទួលរត់ការសេវារដ្ឋបាលសាធារណៈផ្សេងៗ)មកទទួលរត់ការជំនួស។
ក្នុងន័យនេះដើម្បីជៀសវៀងការចំណាយច្រើនលើការទទួល និងផ្ដល់សេវា របស់បងប្អូន ប្រជាពលរដ្ឋ និងការផ្តល់សេវារដ្ឋបាលសាធារណៈផ្សេងៗ របស់រដ្ឋបាលឃុំ/ស្រុក ។
អាស្រ័យដូចបានជម្រាបជូនខាងលើ សូម បងប្អូនប្រជាពលរដ្ឋ នៅក្រៅមូលដ្ឋាន និង នៅក្នុងមូលដ្ឋានស្រុកបូទុមសាគរ ខេត្តកោះកុង មេត្តាជ្រាបជាពត៌មាន។
ប្រភពៈរដ្ឋបាលស្រុកបូទុមសាគរ
====================
ថ្ងៃព្រហស្បតិ៍ ១២ កើត ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៦ ខែតុលា ឆ្នាំ២០២៣
