ថ្ងៃពុធ ទី២៥ ខែតុលា ឆ្នាំ២០២៣ មន្ទីរពាណិជ្ជកម្មខេត្តកោះកុង បានសហការជាមួយ នាយកដ្ឋានអភិវឌ្ឍន៍ទីផ្សារ អគ្គនាយដ្ឋានជំរុញពាណិជ្ជកម្ម នៃក្រសួងពាណិជ្ជកម្ម រៀបចំសិក្ខាសាលាស្តីពី ” ការកំណត់អត្តសញ្ញាណ និងការផ្សព្វផ្សាយ ផលិតផលសក្តានុពលកម្ពុជា “ នៅសាលប្រជុំរបស់មន្ទីរពាណិជ្ជកម្មខេត្ត ។ សិក្ខាសាលានេះមានការចូលរួមពី លោក តាន់ យុវរដ្ឋ អគ្គនាយរង អគ្គនាយដ្ឋានជំរុញពាណិជ្ជកម្ម នៃក្រសួងពាណិជ្ជកម្ម, លោក ឈេង សុវណ្ណដា អភិបាលរង នៃគណៈអភោបាលខេត្តកោះកុង, រដ្ឋបាលក្រុង-ស្រុក ,មន្ទីរ-អង្គភាពពាក់ព័ន្ធ, ចៅសង្កាត់, សហគមន៍តំបន់ការពារធម្មជាតិពាមក្រសោប, សហគមន៍តំបន់ការពារ ធម្មជាតិភ្នំទ័ពជាង, ក្រុមហ៊ុន/សហគ្រាស, អាជីវករ និងនិស្សិត សរុបប្រមាណ ៧០នាក់។ ក្នុងនោះដែរ ក៏មានការតាំងបង្ហាញផលិតផលសក្តានុពលក្នុងខេត្តកោះកុង មួយចំនួន ដូចជា ក្តាមថ្ម បង្គាក្រៀម កាពិ គ្រុំចំពុះទា ប្រេងខ្លឹមចន្ទន៍ ប្រេងកូឡា-ប្រេងខ្យល់ ទឹកបរិសុទ្ធ អំបោសស្មៅត្រែង ផលិតផលសិប្បកម្មផ្កាធម្មជាតិ ផលិតផលសាប៊ូ ស៊ី ធី ធី និងផលិតផលកែច្នៃពីឬស្សី ។
