លោកស្រី គ្រី សោភ័ណ ប្រធានក្រុមប្រឹក្សាស្រុក លោក ក្រូច បូរីសីហា អភិបាល នៃគណៈអភិបាលស្រុក និងលោក លោកស្រី សមាជិកក្រុមប្រឹក្សាស្រុក លោក លោកស្រីអភិបាលរងស្រុក លោកនាយករដ្ឋបាលស្រុក និងមន្ត្រីរដ្ឋបាលស្រុក បានចូលរួមពិធីឆ្លងវេនកាន់បិណ្ឌរួម និងជាថ្ងៃផ្តើមវេនបិណ្ឌ១នៅវត្តពោធិរង្សី ហៅវត្តកណ្តោល ឃុំកណ្តោល ស្រុកបូទុមសាគរ ខេត្តកោះកុង ដោយមានការអញ្ជើញចូលរួមពីសំណាក់ ឯកឧត្ដម ឈឿន កុសលវីរៈប្រធានក្រុមការងាររាជរដ្ឋាភិបាលចុះមូលដ្ឋានឃុំកណ្ដោល និងលោកជំទាវ សាំង សូរធូរកា ឯកឧត្ដម តាំង ឈុនស្រេង ប្រធានក្រុមការងារថ្នាក់ខេត្តចុះមូលដ្ឋានឃុំកណ្ដោល និងលោកជំទាវ សោម សោភា លោក សាង ស៊ីណេត ប្រធាន ស ស យ ក ស្រុក និងសមាជិកសមាជិកា ព្រមទាំងពុទ្ធបរិស័ទជិតឆ្ងាយជាច្រើននាក់។ ឆ្លៀតក្នុងឱកាសនោះដែរ លោក ក្រូច បូរីសីហា អភិបាលស្រុក បានប្រគេនបច្ច័យសម្រាប់កសាងដល់ព្រះចៅអធិការចំនួន៥០០ដុល្លារ និងលោកជំទាវ សាំង សូរធូរកា បានជូនបុណ្យដល់លោកយាយ លោកតា នូវសារ៉ុង១ ប្រេងខ្យល់១ដប រួមទាំងថវិកាចំនួន១០.០០០រៀលក្នុង១នាក់ ប្រកបដោយទឹកមុខរីករាយ និងជ្រះថ្លាក្នុងបុណ្យកុសល ។
ប្រភព:រដ្ឋបាលស្រុកបូទុមសាគ
===================
ថ្ងៃសៅរ៍ ១ រោច ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៣០ ខែកញ្ញា ឆ្នាំ២០២៣
វេលាម៉ោង ៩:០០ នាទីព្រឹក
