ពិធីសំណេះសំណាល លេីកទឹកចិត្តដល់កម្លាំងសមត្ថកិច្ច និងប្រជាពលរដ្ឋគំរូ ក្នុងកិច្ចប្រតិបត្តិការរុករកគ្រឿងញៀនចំនួន ២០គីឡូក្រាម ក្នុងភូមិសាស្ត្រឃុំជ្រោយប្រស់ ស្រុកកោះកុង ខេត្តកោះកុង។
ព្រឹកថ្ងៃពុធ ៩កេីត ខែចេត្រ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០១ ខែមេសា ឆ្នាំ២០២០ នៅសាលប្រជុំ(ខ)សាលាខេត្តកោះកុង លោកជំទាវ មិថុនា ភូថង អភិបាលនៃគណៈអភិបាលខេត្តកោះកុង បានជួបសំណេះសំណាលជាមួយកម្លាំងសមត្ថកិច្ច និងប្រជាពលរដ្ឋគំរូដែលបានរាយការណ៍អំពីគ្រឿងញៀនដែលបានប្រទះឃើញអណ្តែតលើផ្ទៃសមុទ្រក្នុងភូមិសាស្ត្រក្នុងឃុំជ្រោយប្រស់ ស្រុកកោះកុង ខេត្តកោះកុង កាលពីថ្ងៃទី២៨ ខៃមីនា ឆ្នាំ២០២០កន្លងទៅថ្មីៗនេះ។
លោកជំទាវបានកោតសរសើរចំពោះការចូលរួមដ៏ធំធេងរបស់បងប្អូនប្រជាពលរដ្ឋក្នុងការចូលរួមចំណែកប្រយុទ្ធប្រឆាំងគ្រឿងញៀន។ ដើម្បីឆ្លើយតមនូវគុណបំណាច់ដ៍ថ្លៃថ្លានេះ លោកជំទាវបានជូនលិខិតសរសើរ ប្រាក់រង្វាន់ និងសម្ភារមួយចំនួន ដល់កងកម្លាំងសមត្ថកិច្ច សម្រាប់ប្រើប្រាស់ក្នុងកិច្ចប្រតិបត្តិការសកម្មភាពរុករក និងបង្រាបគ្រឿងញៀន។
ជាមួយគ្នានេះដែរលោកជំទាវ ក៏បានជូនលិខិតសរសើរ និងប្រាក់រង្វាន់មួយចំនួនដល់បងប្អូនប្រជាពលរដ្ឋគំរូនេះផងដែរ។
