លោក ខេង សំខាន់ អភិបាលរងស្រុកតំណាងលោកអភិបាលស្រុក លោក នៅ វុទ្ធី នាយករដ្ឋបាលសាលាស្រុក និងការិយាល័យពាក់ព័ន្ធ បានចូលរួមកិច្ចប្រជុំដឹកនាំដោយ លោក អន សុធារិទ្ធ អភិបាលរង នៃគណ:អភិបាលខេត្ត និងជាអនុប្រធានក្រុមការងារ នៃគណៈកម្មាធិការរៀបចំ និងគ្រប់គ្រងទីលានទុកដាក់ សំរាម សំណល់រឹងទីប្រជុំជន ខេត្តកោះកុង នឹងចុះជួបប្រជុំជាមួយរដ្ឋបាលក្រុងស្រុក និងរដ្ឋបាលឃុំ និងចុះសិក្សា ពិនិត្យជាក់ស្ដែងលើទីតាំងដីដែលកំពុងប្រើប្រាស់សំរាប់ ចាក់សំរាម ឬទីតាំងដីបានត្រៀមទុកសម្រាប់រៀបចំជាទីលានទុកដាក់សំរាម សំណល់រឹងទីប្រជុំជន តាម បណ្តាឃុំ ក្នុងស្រុកបូទុមសាគរ នៃខេត្តកោះកុង។ គោលបំណងនៃការរៀបចំកិច្ចប្រជុំ និងចុះពិនិត្យទីតាំងដីនេះ គឺដើម្បី ឆ្លើយតបទៅនឹងការអនុវត្តអនុក្រឹត្យលេខ១១៣ អនក្រ.បក របស់រាជរដ្ឋាភិបាល និងការជំរុញដល់រដ្ឋបាល ក្រុង ស្រុក និងរដ្ឋបាលឃុំ សង្កាត់មានទីតាំងដីច្បាស់លាស់ ព្រមទាំងយន្តការ និងប្រព័ន្ធគ្រប់គ្រងសំរាម សំណល់រឹង រាវ ប្រកបដោយប្រសិទ្ធភាព។
ប្រភព:រដ្ឋបាលស្រុកបូទុមសាគរ
===============
ថ្ងៃអង្គារ ៥ កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៩ ខែកញ្ញា ឆ្នាំ២០២៣
