ស្រុកកោះកុង ៖ ថ្ងៃចន្ទ ០៣ កើត ខែចេត្រ ឆ្នាំកុរ
ឯកស័ក ពុទ្ធសករាជ ២៥៦៣ ត្រូវនឹងថ្ងៃទី២៦ ខែមីនា ឆ្នាំ២០២០ លោក សុខ ភិរម្យ អភិបាលរង នៃគណៈអភិបាលស្រុកកោះកុង បានដឹកនាំក្រុមការងារកសាងផែនទីប្រើប្រាស់ដីរដ្ឋស្រុកកោះកុង ចុះធ្វើការសិក្សាដល់ទីតាំងគោលដៅជាក់ស្ដែង នៅភូមិ១ ភូមិ២ និងភូមិកោះស្រឡៅ ឃុំកោះកាពិ ស្រុកកោះកុង ខេត្តកោះកុង ដើម្បីធ្វើការប្រមូលព័ត៌មានលម្អិតឱ្យបានគ្រប់ជ្រុងជ្រោយក្នុងការរៀបចំផែនទីប្រើប្រាស់នេះឱ្យមានភាពត្រឹមត្រូវ និងច្បាស់លាស់ តាមគោលការណ៍ណែនាំរបស់ក្រសួងដែនដី នគរូបនីយកម្ម និងសំណង់ ដូចជាការរៀបចំនូវចំណីព្រែក ចំណីផ្លូវ និងការបែងចែកប្រភេទដីឱ្យបានត្រឹមត្រូវតាមប្រភេទដូចជា ដីកសិកម្ម ដីលំនៅឋាន ដីអភិវឌ្ឍ តំបន់ទេសចរណ៍សក្តានុពល និងតំបន់អភិរក្ស សម្រាប់ការអភិវឌ្ឍន៍នាពេលអនាគតផងដែរ។
ប្រភពៈ សន សេង
