រដ្ឋបាលខេត្តកោះកុង

លោក អ៊ូច ទូច ប្រធានមន្ទីរធម្មការ និងសាសនាខេត្តកោះកុង និងជាសមាជិកគណ:កម្មការប្រយុទ្ធប្រឆាំង កូវីដ-១៩ និងលោកវេជ្ជបណ្ឌិត ម៉ក់ គឹមលី អនុប្រធានមន្ទីរសុខាភិបាលខេត្ត និងលោក សៀង កក្កដា អភិបាលរងក្រុងខេមរភូមិន្ទ បានជួបពិគ្រោះការងារ ជាមួយ គណ:អុីមាំ នៃឥស្លាមសាសនាខេត្ត ដើម្បីរកវិធីរួមគ្នាទប់ស្កាត់ការរីករាលដាលនៃ កូវីដ-១៩ នៅខេត្តកោះកុង។ កិច្ចពិភាក្សា បានសង្កត់ធ្ងន់ លើការណែនាំរបស់រាជរដ្ឋាភិបាល ក្រសួងធម្មការ និងសាសនា និងរដ្ឋបាលខេត្ត ដោយមិនអោយមានការជួបជុំបែបសាសនា ក្នុងព្រះវិហារ ឬទីតាំងផ្សេងទៀតឡើយ ក្នុងរយ:ពេលនេះ។
ប្រភព : មន្ទីរធម្មការ និងសាសនាខេត្តកោះកុង