លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញជាអធិបតី ក្នុងកិច្ចប្រជុំបូកសរុបលទ្ធផលការងារយោធាសន្តិសុខឆ្នាំ២០១៩ និងផ្សព្វផ្សាយផែនការសកម្មភាពការងារយោធាសន្តិសុខឆ្នាំ២០២០ របស់តំបន់ប្រតិបត្តិការសឹករងកោះកុង។
លោកជំទាវអភិបាលខេត្ត សូមចូលរួមអបអរសាទរ សម្រាប់លទ្ធផលការងារដែលបានអនុវត្តក្នុងឆ្នាំ២០១៩ ដែលកងកម្លាំងការពារបូរណភាពទឹកដី តាមបណ្តោយព្រំដែន មានសុខសវត្ថិភាពល្អប្រសើរ ជាមួយនិងសមិទ្ធផលជាច្រើនដែលអង្គភាពសម្រេចបាន ដោយឡែកសម្រាប់ផែនការបន្តឆ្នាំ២០២០ ខ្ញុំសូមគាំទ្រយ៉ាងពេញទំហឹង ដើម្បីអោយតំបន់ប្រតិបត្តិការសឹករងកោះកុង សម្រេចបានជោគជ័យបន្ថែមទៀត។
