រដ្ឋបាលខេត្តកោះកុង

ខេត្តកោះកុង៖ លោក អ៊ុក ភ័ក្ត្រា អភិបាលរងនៃគណៈអភិបាលខេត្តកោះកុង បានចូលរួម និងសម្របសម្រួលក្រុមការងាររបស់ក្រសួងបរិស្ថាន ដឹកនាំដោយ ឯកឧត្តម ស៊្រុន ដារិទ្ធិ រដ្ឋលេខាធិការ ចុះពិនិត្យសិក្សាលើទីតាំងស្នើសុំវិនិយោគអភិវឌ្ឍន៍ទេសចរណ៍ធម្មជាតិខ្នាតតូច (ផ្ទៃដីទំហំមិនលើស១០ហិកតា និងស្ថិតក្នុងតំបន់ប្រើប្រាស់ដោយចីរភាព នៃតំបន់ការពារធម្មជាតិ) ចំនួនសរុប ៨ គម្រោង ដែល ៥ គម្រោងស្ថិតនៅក្នុងតំបន់ប្រើប្រាស់ច្រើនយ៉ាងដងពែង ភូមិសាស្ត្រឃុំស្រែអំបិល និងឃុំដងពែង ស្រុកស្រែអំបិល និង ៣ គម្រោង ស្ថិតក្នុងឧទ្យានជាតិបុទុមសាគរ ភូមិសាស្ត្រឃុំថ្មស ស្រុកបុទុមសាគរ ខេត្តកោះកុង។

សូមជម្រាបថាជាគោលការណ៍រួម ក្រុមការងារបានគាំទ្រដល់គម្រោងទាំង ៨ ដែលបានស្នើសុំនេះ។ ទន្ទឹមនេះ ឯកឧត្តមប្រធានអង្គប្រជុំនឹងលើកយកនូវចំណុចសំខាន់ៗដែលបានសិក្សាឃើញនៅទីតាំងជាក់ស្តែង រួមជាមួយនឹងការរៀបចំនូវទស្សនទានសង្ខេបនៃគម្រោងនីមួយៗ ដើម្បីគោរពរាយការណ៍ជូនថ្នាក់ដឹកនាំពិនិត្យ និងសម្រេច៕