លោក ប្រាក់ វិចិត្រ អភិបាលស្រុកមណ្ឌលសីមា តំណាងប្រធាន គណៈកម្មាធិការអនុសាខាកាកបាទក្រហមស្រុក បានចុះអប់រំសុវត្ថិភាពចរាចរណ៍
ព្រឹកថ្ងៃអង្គារ ២រោច ខែផល្គុន ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១០ ខែមីនា ឆ្នាំ២០២០ លោក ប្រាក់ វិចិត្រ អភិបាលស្រុកមណ្ឌលសីមា តំណាងប្រធានគណៈកម្មាធិការអនុសាខា និងសហការី បានដឹកនាំកម្លាំងយុវជនកាកបាទ ក្រហមកម្ពុជា ចំនួន១៩នាក់ ដោយមានការចូលរួម មន្ត្រីអធិការនគរបាលចរាចរណ៍ ៦នាក់ យុវជនសសយក ២០នាក់ បានចុះអប់រំសុវត្ថិភាពចរាចរណ៍ នៅចំណុចគល់ស្ពានត្រើយខាងលិច ស្ថិតនៅភូមិនាងកុក ឃុំប៉ាក់ខ្លង ស្រុកមណ្ឌលសីមា ខេត្តកោះកុង ។
