ថ្ងៃសុក្រ ២រោច ខែចេត្រ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៧ ខែ មេសា ឆ្នាំ២០២៣ វេលាម៉ោង ៨:០០ នាទីព្រឹក លោក ទួន ភារម្យ អភិបាលរង នៃគណៈអភិបាលក្រុងខេមរភូមិន្ទ តំណាងលោកអភិបាលក្រុង បានអញ្ជើញចូលរួមសិក្ខាសាលាពិគ្រោះយោបល់បច្ចេកទេសរដ្ឋ និងឯកជន ស្ដីពី “ការគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា” ដែលរៀបចំដោយគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា ។ សិក្ខាសាលា ពិគ្រោះយោបល់បច្ចេកទេសនេះ ប្រព្រឹត្តទៅនៅសណ្ឋាគារឃ្វីនកូ (QUEENCO HOTEL) ខេត្តព្រះសីហនុ។
#ប្រភពពីរដ្ឋបាលក្រុងខេមរភូមិន្ទ#
