រដ្ឋបាលខេត្តកោះកុង

លោក អិក កួន មេឃុំថ្មស បានអញ្ជើញចូលរួមជាអធិបតីពិធីសម្ពោធការដាក់ឲ្យ ប្រើប្រាស់ផ្លូវបេតុងសាមគ្គី ស្ថិតនៅចំណុចភូមិដូង ស្ថិតក្នុង ភូមិថ្មស ឃុំថ្មស ស្រុកបូទុមសាគរ ខេត្តកោះកុង។

    ការផ្ដួចផ្ដើមកសាងផ្លូវបេតុងនេះក្រោមការដឹកនាំនិងជួយ ឧបត្ថម្ភពីមេឃុំ ក្នុងនោះផងដែរក៏មានការចូលរួមឧបត្ថម្ភពីសប្បុរសជនក្នុងមូលដ្ឋានឃុំថ្មស ។ ផ្លូវបេតុងនេះមានប្រវែង បណ្ដោយ ២៥៦ម៉ែត្រ ទទឹង ៣ម៉ែត្រ ចំណាយថវិកាអស់ ២៣,១៧០,០០០រៀល។ ការចំណាយមិនបានបូករួមទាំងកម្លាំងពលកម្មនោះទេ ដោយសារកម្លាំងពលកម្មគឺជាការចូលរួមចំណែកសាមគ្គីរបស់ប្រជាពលរដ្ឋដោយផ្ទាល់ ដោយចាប់ផ្ដើមសាងសង់នៅថ្ងៃទី ០៧ ខែមករា ឆ្នាំ ២០២៣  និងបានបញ្ចប់ការសាសងនៅថ្ងៃទី ១៤ ខែមករា ឆ្នាំ២០២៣។

 ប្រភព@រដ្ឋបាលឃុំថ្មស

================

ថ្ងៃសៅរ៍ ៦រោច ខែមាឃ ឆ្នាំខាល

ចត្វាស័ក ពុទ្ធសករាជ ២៥៦៦

ត្រូវនឹងថ្ងៃទី ១១ ខែ កុម្ភៈ ឆ្នាំ២០២៣