លោកស្រី អ៉ិន សោភ័ណ្ឌអភិបាលស្តីទីនិងជា អនុប្រធានអនុសាខាកាកបាទក្រហមស្រុក បានប្រគល់អំណោយ មី១កេស ថវិកាចំនួន ១០០,០០០៛ របស់អនុសាខា និងថវិកាមន្រ្តីរាជការសាលាស្រុក ចំនួន ១៩០,០០០រៀល ជូនដល់លោកយាយ កុង ស៊ូន ដែលមានជីវភាពខ្វះខាត ប្តីទើបតែទទួលមរណៈ ដោយសាររោគាពាធ ។
ក្នុងឱកាសនោះ លោកស្រី អ៉ិន សោភ័ណ្ឌ អនុប្រធានអនុសាខាកាកបាទក្រហមកម្ពុជា ស្រុកបូទុមសាគរ បានពាំនាំប្រសាសន៍លោក ប្រធានគណៈកម្មាធិការអនុសាខា លោកជំទាវប្រធានសាខាកាកបាទក្រហមកម្ពុជាខេត្តកោះកុង ពិសេសពីសំណាក់សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនដល់បងប្អូនប្រជាពលរដ្ឋដែលមានជីវភាពខ្វះខាត ដែលជានិច្ចកាលសម្ដេច តែងតែគិតគូរពីសុខទុក្ខ របស់បងប្អូនប្រជាពលរដ្ឋគ្រប់ពេលវេលា និងគ្រប់ទីកន្លែង ។
ជាមួយគ្នានេះ ក្រុមការងារ បានផ្តាំផ្ញើនិងលើកទឹកចិត្តឱ្យថែទាំសុខភាព ឱ្យបានល្អ រក្សាអនាម័យក្នុងការរស់នៅ ជាពិសេសត្រូវមានស្មារតីរឹងប៉ឹង ត្រូវខិតខំតស៊ូ ដើម្បីប្រកបរបរចិញ្ចឹម ជីវិតរស់នៅបន្តទៅមុខទៀត ។
ប្រភពៈ រដ្ឋបាលស្រុកបូទុមសាគរ
====================
ថ្ងៃចន្ទ១០រោច ខែបុស្ស ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី១៦ ខែមករា ឆ្នាំ២០២៣
