រដ្ឋបាលខេត្តកោះកុង

លោក ម៉ាស់ សុជា ប្រធានក្រុមប្រឹក្សាស្រុក និងលោក ជា ច័ន្ទកញ្ញា អភិបាល នៃគណៈអភិបាលស្រុកស្រែអំបិល បានដឹកនាំក្រុមការងារស្រុក និងមានការចូលរួមពីការិយាល័យសុខាភិបាលស្រុកប្រតិបត្តិស្រែអំបិល និងអាជ្ញាធរភូមិឃុំ នាំយកសម្ភារនិងគ្រឿងបរិភោគឧបត្ថម្ភជូនដល់សាលាបឋមសិក្សាពាមក្រប ប្រជាការពារ ០៩នាក់ និងប្រជាពលរដ្ឋ ២៤គ្រួសារ ស្ថិតនៅភូមិព្រះអង្គកែវ ឃុំដងពែង ស្រុកស្រែអំបិល ខេត្តកោះកុង។ សម្ភារនិងគ្រឿងបរិភោគទាំងនោះ មានដូចខាងក្រោម៖

-សាលាបឋមសិក្សាពាមក្រប ទទួលបាន សៀវភៅ ៣៥០ក្បាល ខ្មៅដៃ ៣៥០ដើម អំពូលសូឡា ០៥គ្រាប់ និងថវិកាសម្រាប់គ្រូបង្រៀន ០៣នាក់ ក្នុងម្នាក់ ៥០,០០០រៀល និងថ្នាំពេទ្យ PARACETAMOL ០៥បន្ទះ

-ប្រជាការពារ ០៩នាក់ និងប្រជាពលរដ្ឋ ២៤គ្រួសារ ដោយក្នុងម្នាក់ ឬក្នុងមួយគ្រួសារទទួលបាន អង្ករ ១៥គ.ក្រ មី១២កញ្ចប់ ទឹកត្រី ០២ដប និងថ្នាំពេទ្យ PARACETAMOL ០៥បន្ទះ។

ប្រភព ញ៉ាក់ ឆៃយ៉ា