លោក ង៉ែត ឡឹង ប្រធានមន្ទីរអប់រំ យុវជន និងកីឡាខេត្តកោះកុង និងជាសមាជិកគណៈកម្មាធិការ នៃសាខាកាកបាទក្រហមកម្ពុជា ខេត្តកោះកុង បានអញ្ជើញចូលរួមប្រជុំបូកសរុបវឌ្ឍនភាពការងារអភិវឌ្ឍយុវជន និងអ្នកស្ម័គ្រចិត្តកាកបាទក្រហមកម្ពុជា រាជធានី ខេត្ត ឆ្នាំ២០២២ និងលើកទិសដៅការងារបន្ត ដើម្បីចូលរយមអបអរសាទរទិវាអន្តរជាតិនៃអ្នកស្ម័គ្រចិត្ត ៥ធ្នូ ក្រោមប្រធានបទ «សាមគ្គីភាពតាមការស្ម័គ្រចិត្ត» ក្រោមអធិបតីភាពឯកឧត្ដម ពិត ចំណាន រដ្ឋលេខាធិការក្រសួងអប់រំ យុវជន និងកីឡា និងជាសមាជិកគណៈកម្មាធិការកណ្ដាលកាកបាទក្រហមកម្ពុជា និងជាអនុប្រធានអចិន្ទ្រៃយ៍ក្រុមការងារទ្រទ្រង់សកម្មភាពយុវជន និងអ្នកស្ម័គ្រចិត្ត ដោយមានការចូលរួមពីថ្នាក់ដឹកនាំអគ្គលេខាធិការ សមាជិកគណៈកម្មាធិការសាខា នាយក/នាយិកា មន្ត្រីអភិវឌ្ឍទទួលបន្ទុកយុវជន និងអ្នកស្ម័គ្រចិត្ត មន្ត្រីប្រតិបត្តិទីស្នាក់ការកណ្ដាលសរុបប្រមាណ៩០នាក់ នៅទីស្នាក់ការកណ្ដាលកាកបាទក្រហមកម្ពុជា រាជធានីភ្នំពេញ ។(អត្ថបទដោយ៖ ហង់ សុវណ្ណ)
