លោក សុខ ភិរម្យ អភិបាលស្រុក លោក ប៉ែន ប៊ុនឈួយ អភិបាលរងស្រុក និងលោកស្រី គង់ វាសនា អនុប្រធានគណៈកម្មាធិការអនុសាខា បានដឹកនាំក្រុមការងារអនុសាខាមកទទួលទេយ្យទានពី ព្រះតេជគុណ លឹម ពៅ ព្រះគ្រូអនុគុណស្រុក និងជាព្រះចៅអធិការវត្តមណ្ឌលសីមារាម ហៅវត្តនាងកុក បានបរិច្ចាគទេយ្យទានជាគ្រឿងឧបភោគបរិភោគ ក្នុងនោះមានអង្ករ១០បាវ ស្មើ៥០០គ.ក ទឹកស៊ីអ៉ីវ៨១ដប មីម៉ាម៉ា២០កេស ទឹកត្រីដប៨៦ដប ត្រីខ០១យួរ សៀង ០១ពីដុងតូច ទឹកត្រី០២ពីដុងតូច ទឹកសុទ្ធ ៥០យួរ ជូនអនុសាខាកាកបាទក្រហមកម្ពុជា ស្រុកមណ្ឌលសីមាសម្រាប់យកមកចែកជួនប្រជាពលរដ្ឋជួបការលំបាកប្រចាំថ្ងៃ ។
ក្នុងឱកាសនោះលោកអភិបាលស្រុក និងលោកស្រីអនុប្រធានគណៈកម្មាធិការអនុសាខា សូមថ្លែងអំណរគុណយ៉ាងជ្រាលជ្រៅបំផុតប្រគេនចំពោះ ព្រះតេជគុណ លឹម ពៅ ព្រះគ្រូចៅអធិការវត្ត ដែលមានទឹកព្រះទ័យជ្រះថ្លាបរិច្ចាគទេយ្យទានជាគ្រឿងឧបភោគបរិភោយ៉ាងច្រើនសន្ធឹកសន្ធាប់ជូនអនុសាខាដើម្បីបម្រើសកម្មភាពមនុស្សធម៌របស់អនុសាខា ។
ថ្ងៃព្រហស្បតិ៍ ៣រោច ខែអស្សុជ ឆ្នាំខាល ចត្វាស័ក ព.ស ២៥៦៦
ត្រូវនឹងថ្ងៃទី១៣ ខែតុលា ឆ្នាំ២០២២
