ឃុំត្រពាំងរូង: ថ្ងៃចន្ទ ៨កើត ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនិងថ្ងៃទី០៣ ខែតុលា ឆ្នាំ២០២២ វេលាម៉ោង២:០០ នាទីរសៀល លោក លៀង សាម៉ាត មេឃុំត្រពាំងរូង បានដឹកនាំក្រុមការងារឃុំ អញ្ជើញចូលរួមក្នុងការរៀបចំ ធ្វើពិធីបុណ្យកឋិនទានសាមគ្គី ដឹកនាំដោយ បណ្ឌិត សំឃិត វៀន អភិបាលរងនៃគណ:អភិបាលខេត្តកោះកុង និងជាប្រធានក្រុមការងារថ្នាក់ខេត្តចុះជួយស្រុកកោះកុង និងមានសមាសភាពចូលរួមដូចជា ក្រុមប្រឹក្សាស្រុកកោះកុង លោក ជា សូវី អភិបាលនៃគណ:អភិបាលស្រុកោះកុង ក្រុមការងារថ្នាក់ខេត្តចុះជួយឃុំត្រពាំងរូង កងកម្លាំប្រដាប់អាវុធទាំងបីប្រភេទ ក្រុមប្រឹក្សាឃុំត្រពាំងរូង លោកគ្រូ អ្នកគ្រូ សិស្សានុសិស្ស និងលោក តាអាចារ្យគណ:កម្មការវត្ត និងប្រជាពលរដ្ឋក្នុងឃុំត្រពាំងរូង ដើម្បីដង្ហែវេរប្រគេនដល់ព្រះសង្ឃគង់ចាំព្រះវស្សាអស់ត្រីមាសក្នុងពុទ្ធសីមា វត្តរូងគិរីសត្ថារាម ( ហៅវត្តត្រពាំងរូង ) ដើម្បីប្រមូលបច្ច័យកសាងសមិទ្ធិផលនានាក្នុងទីវត្តអារាម ។
ប្រភព: រដ្ឋបាលឃុំត្រពាំងរូង
