កិច្ចប្រជុំ ស្ដីពីការអនុវត្ត ដើម្បីត្រៀមរៀបចំថ្នាក់ក្រោមជាតិ និងមូលដ្ឋាន សម្រាប់ឆ្លើយតបនឹងគ្រោះអាសន្នសុខភាពសាធារណៈ (រួមបញ្ចូលជំងឺកូវីដ-១៩ និងជំងឺឆ្លងផ្សេងៗ)
ថ្ងៃទី០៥ ខែកញ្ញា ឆ្នាំ២០២២
តំណាងនាយកដ្ឋានប្រយុទ្ធជំងឺឆ្លងនៃក្រសួងសុខាភិបាល តំណាងអង្គការសុខភាពពិភពលោក តំណាងលោកជំទាវអភិបាលនៃគណៈអភិបាលខេត្តកោះកុង លោកវេជ្ជបណ្ឌិត ម៉ក់ គឹមលី អនុប្រធានមន្ទីរសុខាភិបាលនៃរដ្ឋបាលខេត្តកោះកុង ក្រុមការងារឆ្លើយតបបន្ទាន់នៃជំងឺឆ្លង មន្ទីរសុខាភិបាលនៃរដ្ឋបាលខេត្តកោះកុង បើកអង្គប្រជុំស្តីពីគោលបំណងបេសកកម្មអំពីទិដ្ឋភាពត្រៀមរៀបចំជាស្រេចថ្នាក់ក្រោមជាតិនិងមូលដ្ឋានសម្រាប់ឆ្លើយតបចំពោះកូវីដ-១៩ និងគ្រោះអាសន្នសុខភាពសាធារណៈផ្សេងទៀតតាមរយៈដាក់ឲ្យដំណើរការប្រព័ន្ធគ្រប់គ្រងឧប្បត្តិហេតុនិងការតាមដានពហុប្រភពរបស់រដ្ឋបាលខេត្តដោយ លោកជំទាវ អភិបាលនៃគណៈអភិបាលខេត្តកោះកុង
គោលបំណង
១. ផ្តល់ជាគំនិតទូទៅដល់ថ្នាក់ក្រោមជាតិពីការអនុវត្តការរៀបចំឆ្លើយតបគ្រោះអាសន្នសុខភាពសាធារណៈនានា
២. ដើម្បីដឹងស្ថានភាពពីការត្រៀមរៀបចំឆ្លើយតបនឹងជំងឺកូវីដ១៩ និងការត្រៀមរៀបចំឆ្លើយតបគ្រោះអាសន្នសុខភាពសាធារណៈនៅថ្នាក់មូលដ្ឋាន
៣. ប្រជុំពិនិត្យឡើងវិញ (IAR) ដើម្បីចែករំលែកបទពិសោធន៍ក្នុងការឆ្លើយតបនឹងជំងឺកូវីដ១៩ ដោយកំណត់បញ្ហាប្រឈម, ការអនុវត្តល្អនិងកំណត់យុទ្ធសាស្ត្រត្រៀមរៀបចំឆ្លើយតបនឹងជំងឺកូវីដ១៩ និងរៀបចំឆ្លើយតប គ្រោះអាសន្នសុខភាពសាធារណៈនានា
៤. ពង្រឹងសមត្ថភាពមន្ត្រី RRT និងមន្ត្រីមន្ទីរសុខាភិបាលពាក់ព័ន្ធ អំពីប្រព័ន្ធគ្រប់គ្រងឧប្បត្តិហេតុ (IMS) និងការតាមដានពហុប្រភព (MSS)តាមរយៈការបង្ហាត់បង្ហាញនៅនឹងកន្លែង
