លោកស្រី អ៉ិន សោភ័ណ្ឌ អនុប្រធានអនុសាខាកាកបាទក្រហមស្រុក តំណាងអោយ លោក ហាក់ ឡេង ប្រធានគណៈកម្មាធិការសាខាកាកបាទក្រហមកម្ពុជាស្រុកបូទុមសាគរ បានដឹកនាំក្រុមការងារ ចុះសួរសុខទុក្ខ លោកស្រី ផុន សាវិន ដែលមានជំងឺបាក់ទឹកចិត្ត កំពុងសម្រាកព្យាបាល នៅមណ្ឌលសុខភាពអណ្តូងទឹក និងភូមិអណ្តូងទឹក ឃុំ អណ្តូងទឹក ស្រុកបូទុមសាគរខេត្តកោះកុង។
ក្នុងឱកាសនោះ លោកស្រី អ៉ិន សោភ័ណ្ឌ អនុប្រធានអនុសាខាកាកបាទក្រហមកម្ពុជា ស្រុកបូទុមសាគរ និងក្រុមការងារឃុំ បានពាំនាំប្រសាសន៍ លោក ហាក់ ឡេង ប្រធានគណៈកម្មាធិការអនុសាខា ពិសេសពីសំណាក់សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនដល់បងប្អូនប្រជាពលរដ្ឋ ដែលជានិច្ចកាលសម្ដេច តែងតែគិតគូរពីសុខទុក្ខ របស់បងប្អូនប្រជាពលរដ្ឋគ្រប់ពេលវេលា និងគ្រប់ទីកន្លែង ។
ជាមួយគ្នានេះ ក្រុមការងារ បានផ្តាំផ្ញើនិងលើកទឹកចិត្តឱ្យថែទាំសុខភាព ឱ្យបានល្អ រក្សាអនាម័យក្នុងការរស់នៅ ជាពិសេសត្រូវមានស្មារតីរឹងប៉ឹង ត្រូវខិតខំតស៊ូ ដើម្បីប្រកបរបរចិញ្ចឹម ជីវិតរស់នៅបន្តទៅមុខទៀត ។
សម្ភារៈដែលផ្តល់ជូនតាមរយៈអនុសាខាកាកបាទក្រហមកម្ពុជាស្រុកបូទុមសាគរ ចូលរួមសួរសុខទុក្ខរួមមានដូចខាងក្រោម
-មី១កេះ
-ត្រីខ 3ឡូ
-ទឹកផ្លែឈើ ១កេស
-ទឹកសុទ្ធ២យួរ
ប្រភពៈ អនុសាខាកាកបាទក្រហមកម្ពុជា ស្រុកបូទុមសាគរ
=======================
ថ្ងៃព្រហស្បតិ៍ ៦ កើត ខែភទ្របទ ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី១ ខែកញ្ញា ឆ្នាំ២០២២
September 1, 2022
វេលាម៉ោង ៩:៣០នាទីព្រឹក
