រដ្ឋបាលខេត្តកោះកុង

លោក អ៊ូច ទូច ប្រធានមន្ទីរ និងមន្ត្រីក្រោមឱវាទបានចូលរួមពិធីបុណ្យដង្ហែទៀនព្រះវស្សា និងទេយ្យទានទាំងឡាយ មានអង្ករ មី ត្រីខកំប៉ុង ប្រេងឆា ប៊ីចេង តែ ស្ករស សំពត់សាដក និងបច្ច័យ៤ ដែលជាសទ្ធាជ្រះថ្លាដ៏ឧត្តុង្គឧត្តមរបស់ឯកឧត្តម សឿន រឿត សមាជិកគណៈកម្មាធិការកណ្ដាលគណបក្សប្រជាជនកម្ពុជា និងជាប្រធានក្រុមការងារថ្នាក់កណ្តាលចុះមូលដ្ឋានស្រុកកោះកុង បានវេរថ្វាយប្រគេនចំពោះព្រះរតនត្រ័យទាំង៣ ព្រះពុទ្ធ ព្រះធម៌ ព្រះសង្ឃ អង្គសាវ័កដែលគង់ចាំព្រះវស្សា ទូទាំង៨វត្តក្នុងស្រុកកោះកុងមាន៖
១-វត្ត ពោធិសិរីមនោរម្យ
២.វត្តរូងគិរីសត្ថារាម
៣.វត្តឧត្តមនាវីឫទ្ីគិរីសាគរ
៤.វត្តគិរីវង្គត់
៥.វត្តឧទេ័យ្យារាម
៦.វត្តសុវណ្ណបពិត
៧.វត្តតេជោពោធិរាម
៨.វត្តព្រះពុទ្ទកោះកុងក្នុង
ដោយផល្លានិសង្ឃ ក្នុងពិធីនេះ ឯកឧត្តមប្រធាន បានឧទ្ទិសថ្វាយប្រគេននិងជូនចំពោះបុព្វការីជន សូមបានរួចចាកទុក្ខនិងបដិសន្ធិវិញ្ញាណក្នុងសម្បត្តិទាំង៣ កុំបីអាក់ខានឡើយ និងសូមប្រគេននិងជូនពរដល់ព្រះករុណាព្រះសង្ឃគ្រប់ព្រះអង្គ នៃវត្តទាំង៨ក្នុងស្រុកកោះកុង ឯកឧត្តម លោកជំទាវ លោកឧកញ៉ា អ្នកឧកញ៉ា លោក-លោកស្រី មន្ត្រីរាជការ ប្រជាពលរដ្ឋក្នុងឃុំទាំង៤នៃស្រុកកោះកុងទាំងអស់ សូមត្រេកអរអនុមោទនា បានអាយុ វណ្ណៈ សុខៈ ពលៈ ជារៀងរហូត។

ថ្ងៃពុធ ៥រោច ខែស្រាពណ៍ ឆ្នាខាល ចត្វាស័ក ព.ស.២៥៦៦ ត្រូវនឹងថ្ងៃទី១៧ ខែសីហា ឆ្នាំ២០២២ ។