រដ្ឋបាលខេត្តកោះកុង

វេលា ម៉ោង ០៣:៣០ នាទីរសៀល ព្រះគ្រូ ខឹម ខុន ព្រះអនុគណស្រុកបូទុមសាគរ និងសហការី បាននាំយកនូវទេយ្យវត្ថុជូនដល់អនុសាខាកាកបាទក្រហមស្រុក ដើម្បីប្រើប្រាស់តាមតម្រូវការ ដោយទេយ្យវត្ថុរួមមាន អង្ករ២បាវ(១០០គីឡូក្រាម) មី២កេស ទឹកសុទ្ធAngkorpuro ដបធំ១កេស ប្រេងសណ្តែក ស្ករស អំបិល ទឹកត្រី ត្រីខ១ស្បោង និងថវិកា ៤០០.០០០រៀល ដោយថវិកា៤០០.០០០រៀលនេះ បានមកពីការចូលរួម វត្តគិរីសាគរ(ចម្លងគោ) ១០០.០០០រៀល  វត្តភ្នំប្រជៀវ ១០០.០០០រៀលនិងវត្តថ្មស២០០.០០០រៀល។ ស្របពេលនោះដែរ សមាជិកអនុសាខាកាកបាទក្រហមស្រុក ជំនួសមុខឲ្យលោក ហាក់ ឡេង ប្រធានអនុសាខាកាកបាទក្រហមស្រុក បានថ្លែងអំណរគុណ ចំពោះព្រះគ្រូអនុគណស្រុក ក៏ដូចជាព្រះគ្រូចៅអធិការវត្តផ្សេងៗទៀតនៅក្នុងស្រុកដែលតែងតែជួយឧបត្ថម្ភទាំងផ្នែកសម្ភារ និងកម្លាំងកាយចិត្ត មកដល់អនុសាខាកាកបាទក្រហមស្រុកជារឿយៗ កាកបាទក្រហមស្រុក សូមប្រគេនពរ ព្រះគ្រូអនុគណ និងសហការីគ្រប់ព្រះអង្គ សូមមានព្រះសុខភាពល្អនិងគង់ជាម្លប់ដល់ពុទ្ធបរិស័ទតរៀងទៅ។

ប្រភពៈរដ្ឋបាលស្រុកបូទុមសាគរ

=============

ថ្ងៃចន្ទ ១២ រោច ខែអាសាឍ ឆ្នាំខាល

ចត្វាស័ក ពុទ្ធសករាជ ២៥៦៦

ត្រូវនឹងថ្ងៃទី២៥ ខែកក្កដា ឆ្នាំ២០២២

July 25, 2022