ថ្ងៃព្រហស្បតិ៍ ៨រោច ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២១  ខែកក្កដា ឆ្នាំ២០២២

លោក ញឹម សារុន អនុប្រធានការិយាល័យកៅស៊ូ និងលោក សឹង លី អនុប្រធានទទួលបន្ទុករួមការិយាល័យផ្សព្វផ្សាយកសិកម្ម បានចូលរួមពិធី ផ្តល់ទុន និងទូរស័ព្ទដៃសម្រាប់កសិករក្នុងគម្រោងលើកកំពស់ជីវភាពប្រជាពលរដ្ឋតាមរយ:ការពង្រឹងផលិតកម្ម និងទីផ្សារ ហៅកាត់ថាគម្រោងស្ទៀរ (STEER) ក្រោមអធិបតីភាពលោក សាង ស៊ីណេត អភិបាលរង នៃគណៈអភិបាលស្រុកបូទុមសាគរ លោក សុខ សំអាត អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងលោក សុក សំណាង ប្រធានគម្រោងស្ទៀរ នៃអង្គការ Save The Children ប្រចាំខេត្តកោះកុង សម្របសម្រួលជាមួយអង្គការសង្គ្រោះកុមារ មានអ្នកចូលរួមសរុបចំនួន ៣៦នាក់ ស្រី ១៥នាក់។  

កម្មវិធីនេះបានធ្វើនៅសាលប្រជុំសាលាស្រុកបូទុមសាគរ ស្ថិតនៅស្រុកបូទុមសាគរ ខេត្តកោះកុង។ គួរបញ្ជាក់ផងដែរថា ការផ្តល់ទុននេះដោយនៅក្នុងស្រុកបូទុមសាគរ គឺមានក្រុមកសិករអ្នកផលិតចំនួន ១០ក្រុម ដោយក្នុងមួយ   ក្រុមៗទទួលបានទុនធានារ៉ាប់រងលើដំណាំ ចំនួន ៥លានរៀល (៥,០០០,០០០៛) និងក្នុងមួយក្រុមៗបានទូរស័ព្ទចំនួន ០២គ្រឿង ស្មើនឹងតម្លៃ ២៥០$។

ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង