ស្រុកកោះកុង ៖ ថ្ងៃព្រហស្បតិ៍ ៨ រោច ខែអាសាឍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២១ ខែកក្កដា ឆ្នាំ២០២២ ដោយមានការចាត់តាំងពីលោក ជា សូវី អភិបាល នៃគណៈអភិបាលស្រុកកោះកុង លោកស្រី អុិន សុភី អភិបាលរងស្រុកកោះកុង បានដឹកនាំក្រុមការងារ សហការជាមួយអាជ្ញាធរឃុំតាតៃក្រោម ចុះជួបសំណេះសំណាលសួរសុខទុក្ខ និងនាំយកអំណោយរបស់លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង ប្រគល់ជូនគ្រួសាររងគ្រោះចំនួន ០១គ្រួសារ នៅភូមិកោះអណ្តែត ឃុំតាតៃក្រោម ស្រុកកោះកុង ខេត្តកោះកុង។
សម្ភាររួមមានអង្ករ ៥០គីឡូក្រាម មី ២កេស ត្រីខកំប៉ុង ២ឡូ និងថវិការបស់លោកជំទាវអភិបាលខេត្ត ចំនួន ១ ០០០ ០០០រៀល(មួយលានរៀលគត់)។
សមាសភាពចូលរួមមានក្រុមការងារស្រុក លោកមេឃុំ ជំទប់១ ក្រុមប្រឹក្សាឃុំតាតៃក្រោម កម្លាំងប៉ុស្តិ៍នរគបាលរដ្ឋបាលឃុំតាតៃក្រោម និងមេភូមិកោះអណ្ដែត។
