រដ្ឋបាលខេត្តកោះកុង

លោកស្រី គ្រី សោភ័ណ ប្រធានក្រុមប្រឹក្សាស្រុក សមាជិកក្រុមប្រឹក្សាស្រុក លោក ហាក់ ឡេង អភិបាលស្រុក លោក លោកស្រីអភិបាលរងស្រុក លោកនាយក នាយករង ព្រមទាំងមន្ត្រីចំណុះសាលាស្រុក កងកម្លាំងប្រដាប់អាវុធទាំងបីប្រភេទ ព្រមទាំងលោកគ្រូ អ្នកគ្រូ និងសិស្សានុសិស្ស សមាគមន៍និស្សិតបញ្ញាវ័ន្តក្មេងវត្ត លោកមេឃុំអណ្តូងទឹក ព្រមទាំងលោកមេភូមិ និងប្រជាពលរដ្ឋ អញ្ជើញចូលរួមជាមួយលោក អ៉ី មេងលាង ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកោះកុង ព្រមទាំងមន្ត្រីនាយខណ្ឌ នាយសង្កាត់ នាយផ្នែក ជលផល ព្រៃឈើ ក្នុងកម្មវិធីប្រលែងកូនត្រី និងដាំកូនឈើ ចំនួន ២០០០០ (ពីរម៉ឺន) កូន ក្រោមអធិបតីយភាពលោកជំទាវ មិថុនា ភូថង និងស្វាមី ទិវាមច្ឆជាតិនេះប្រារព្ធធ្វើនៅបឹងជីត្រេះ  ក្នុងគោលបំណងបំផុសគំនិតប្រជាពលរដ្ឋអាជ្ញាធរដែនដី មន្រ្តីមានសមត្ថកិច្ច មន្រ្តីរាជការ សិស្ស និសិ្សត ផ្នែកឯកជន ចូលរួមចំណែកការពារអភិរក្ស និងអភិវឌ្ឍន៍វិស័យជលផល ក្នុងទិសដៅប្រើប្រាស់ធនធាន ជលផលដោយនិរន្តរភាពដើម្បី ប្រយោជន៍សេដ្ឋកិច្ច សង្គមកិច្ច វប្បធម៌ និងបរិស្ថាន ។ចំណែករុក្ខទិវាទិវាពិតជាមានអត្ថន័យដ៏ឧដ្តុង្គឧត្តមនិងឧត្តមប្រយោជន៍ដ៏ជ្រាលជ្រៅចំពោះប្រទេសជាតិបានឆ្លុះបញ្ចាំងពីភាពរឹងមាំនៃការកសាងគ្រឹះសេដ្ឋកិច្ចជាតិ ក្រោមកិច្ចរួបរួមជាធ្លុងមួយបង្ហាញពីសក្ខីកម្មនៃ សាមគ្គីភាពរវាងប្រជារាស្រ្ត និងមន្រ្តីរាជការទូទាំងប្រទេសក្នុងការជម្រុញលើកទឹកចិត្តចូលរួមចលនាដាំដើមឈើដើម្បីផ្ដល់ជាសារប្រយោជន៍ធនធានទ្រទ្រង់វិស័យកសិកម្មបង្កើនសុខុមាលភាពគ្រួសារ និងជីវភាពសង្គម ព្រមទាំងកិច្ចគាំពារបរិស្ថានស្របតាមព្រះរាជតម្រិះដ៏ខ្ពង់ខ្ពស់នៃព្រះករុណា ព្រះបាទសម្តេចព្រះនរោត្តម សីហនុ ព្រះបរមរតនកោដ្ឋ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ថា« ព្រៃឈើគឺជាសរសៃឈាម ក្នុងវិស័យកសិកម្មជាតិ ជាអាយុជីវិតប្រជាកសិករ និងជាខឿននៃសេដ្ឋកិច្ចជាតិ ដូច្នេះយើងត្រូវតែរួបរួមគ្នា ថែរក្សាការពារព្រៃឈើ និងដាំដើមឈើឲ្យបានគ្រប់ៗគ្នា »៕

ប្រភព:រដ្ឋបាលស្រុកបូទុមសាគរ

==================

ថ្ងៃអង្គារ ៦ រោច ខែអាសាឍ ឆ្នាំខាល

ចត្វាស័ក ពុទ្ធសករាជ ២៥៦៦

ត្រូវនឹងថ្ងៃទី១៩ ខែកក្កដា ឆ្នាំ២០២២

July 19, 2022