លោក ហាក់ ឡេង អភិបាលនៃគណ:អភិបាលស្រុកបូទុមសាគរ បានដឹកនាំមន្រ្តីក្រោមឱវាទ ចូលរួមអមដំណើរលោក សុខ សុទ្ធីអភិបាលរងនៃគណ:អភិបាលខេត្តកោះកុង ក្នុងការនាំយកនូវទេយ្យវត្ថុរបស់លោកជំទាវ មិថុនា ភូថង អភិបាលនៃគណ:អភិបាលខេត្តកោះកុង ប្រគេនដល់វត្តទាំង៤ក្នុងស្រុកបូទុមសាគរ រួមមាន វត្តថ្មស វត្តចម្លងគោ វត្តភ្នំប្រជៀវ និងវត្តប្រជារដ្ឋកំសាន្តឋានសួគ៌ កម្មពីធីនេះប្រារព្ភធ្វើឡើងនៅវត្តចម្លងគោ ដោយក្នុងមួយវត្តៗ ប្រគេនបាននូវទេយ្យវត្ថុរួមមាន
_ទៀនចំណាំវស្សា១គូរ
_អង្ករ២បាវ(១០០kg)
_មី១កេសធំ
_ទឹកសុទ្ធវីតាល់៥កេស
_ត្រីខ១កេសធំ
_ទឹកត្រី៤យូ
_ទឹកស៊ីអ៊ីវ១កេសធំ
_ប្រេងសណ្តែក១ពិដុង(៤លិត្រ)
_សាប៊ូលាងចាន២ពិដុង
_ប៊ីចេង ស្ករស បំអិលពីរៗគីឡូ
ដោយឡែក បច្ច័យរបស់លោកជំទាវ អភិបាលខេត្ត ប្រគេនដល់វត្តទាំងបួន ដោយក្នុងមួយវត្តៗ ទទួលបាន
_បច្ច័យកសាង៥០ម៉ឺនរៀល
_បច្ច័យទ្រទ្រង់ចង្ហាន់៥០ម៉ឺនរៀល
_ប្រគេនព្រះគ្រូចៅអធិការ១០ម៉ឺនរៀល
_ប្រគេនភិក្ខុ សាមណេរក្នុង១ព្រះអង្គ៥ម៉ឺនរៀល
_យាយជី តាជី ក្នុងមួយនាក់ ២ម៉ឺនរៀល
និងជួនចាស់ទុំ ឧបាសក ឧបាសិកា ដែលបានអញ្ជើញមកចូលរួមក្នុងពិធីនេះ ក្នុងមួយនាក់ៗ ទទួលបាន២ម៉ឺនរៀលផងដែរ
ហើយបច្ច័យថ្នាក់ស្រុក ដែលដឹកនាំដោយលោកអភិបាលស្រុក ចូលរួមជាមួយថ្នាក់ខេត្ត បានចូលរួមប្រគេនដល់វត្តទាំងបួន ដោយក្នុងមួយវត្តៗ ទទួលបាន ៤០ម៉ឺនរៀល។
សូមកុសលផលបុណ្យ និងសេចក្តីសុខចម្រើន កើតមានឡើងដល់ថ្នាក់ដឹកនាំគ្រប់រូប និងម្ចាស់សទ្ធាគ្រប់ៗគ្នាកុំឃ្លៀងឃ្លាតឡើយ។
ប្រភពៈរដ្ឋបាលស្រុកបូទុមសាគរ
====================
ថ្ងៃចន្ទ ១៣ កើត ខែអាសាឍ ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី១១ ខែកក្កដា ឆ្នាំ២០២២
