រដ្ឋបាលខេត្តកោះកុង

រដ្ឋបាលឃុំប្រឡាយ បានរៀបចំពិធី ប្រកាសសុពលភាពសមាជិកក្រុមប្រឹក្សាឃុំប្រឡាយ អាណត្តិទី៥ នៃរដ្ឋបាលស្រុកថ្មបាំង ខេត្តកោះកុង ដែលពិធីនេះស្ថិតក្រោមអធិបតីភាពដ៏ខ្ពង់ខ្ពស់ ឯកឧត្តម ស្រេង ហុង អភិបាលរង នៃគណៈអភិបាលខេត្តកោះកុង និងមានការចូលរួមពី លោកប្រធានក្រុមប្រឹក្សាស្រុក អភិបាលរងស្រុក មេបញ្ជាការរងផ្នែកសឹករងខេត្ត នាយករដ្ឋបាលស្រុក អធិការនគរបាលស្រុក មេបញ្ជាការរងស្រុក នាយករងទីចាត់ការនៃរដ្ឋបាលខេត្ត ប្រធាន អនុប្រធានការិយាល័យនៃរដ្ឋបាលស្រុក ក្រុមប្រឹក្សាឃុំអាណត្តិចាស់ ក្រុមប្រឹក្សាឃុំអាណត្តិថ្មី ស្មៀនឃុំ មេភូមិ អនុភូមិ សមាជិកភូមិ ប៉ុស្តិ៍សុខភាព នាយកសាលា ព្រមទាំងបងប្អូនប្រជាពលរដ្ឋសរុបចំនួន ៩០នាក់ ស្រី ២៨នាក់ នៅសាលាឃុំប្រឡាយ ស្រុកថ្មបាំង ខេត្តកោះកុង។

ថ្ងៃអង្គារ ៧ កើត ខែអាសាឍ ឆ្នាំខាលចត្វាស័ក ពុទ្ធសករាជ ២៥៦៦ត្រូវនឹងថ្ងៃទី៥ ខែកក្កដា ឆ្នាំ២០២២