លោក ឃៀង យិង មេឃុំអណ្តូងទឹក បានចាត់ឲ្យលោក យិន យួត ជំទប់ទី១ និងលោកស្រី ឃុន ស្រីម៉ៅ ជំទប់ទី២ ក្រុមការងារចុះជួយភូមិ បានដឹកនាំអាជ្ញាធរភូមិ និងកម្លាំងប្រជាការពារភូមិ សហការដោយមន្រ្តីសាលាស្រុក រួមជាមួយប្រជាពលរដ្ឋក្នុងភូមិ អញ្ជើញចុះតម្លើងអំពូលសូឡាដំណើរការដោយពន្លឺព្រះអាទិត្យបន្ថែមចំនួន១០អំពូលទៀតដើម្បីបំភ្លឺទូទាំងភូមិ នៅតាមបណ្តោយផ្លូវក្នុងភូមិប្រទាល ឃុំអណ្តូងទឹក ស្រុកបូទុមសាគរ ខេត្តកោះកុង ដែលជាអំណោយដ៏ថ្លៃថ្លារបស់សប្បុរសជន តាមរយៈការគៀងគររបស់លោក ហាក់ ឡេង អភិបាលនៃគណៈអភិបាលស្រុក ដោយត្រូវបានទទួលការសាទរពីសំណាក់បងប្អូនប្រជាពលរដ្ឋ ព្រោះទីតាំងទាំងនោះធ្លាប់តែមានសភាពងងឹត ពិបាកក្នុងការធ្វើដំណើរទៅនិងមក ជាងនេះទៅទៀតក៏បញ្ជៀសនូវរាល់បទល្មើសផ្សេងៗផងដែរ។
រដ្ឋបាលឃុំ សូមគោរពថ្លែងអំណរគុណដល់សប្បុរសជនគ្រប់ទិសទីដែលតែងតែជួយគាំទ្រ និងឧបត្ថម្ភ ព្រមទាំងនឹងបន្តទឹកចិត្តនេះដើម្បីអភិវឌ្ឍន៍ ភូមិ ឃុំ ឲ្យកាន់តែមានភាពរីកចម្រើនទៅមុខ។
ប្រភពៈរដ្ឋបាលឃុំអណ្តូងទឹក
-----------------------------------------
ថ្ងៃសៅរ៍ ៧ កើត ខែពិសាខ ឆ្នាំខាល
ចត្វាស័ក ពុទ្ធសករាជ ២៥៦៥
ត្រូវនឹងថ្ងៃទី៧ ខែឧសភា ឆ្នាំ២០២២
May 7, 2022
