រដ្ឋបាលខេត្តកោះកុង

លោក ហុង ប្រុស អភិបាលស្ដីទីស្រុកស្រែអំបិល បានដឹកនាំកម្លាំងគណៈបញ្ជាការឯកភាពរដ្ឋបាលស្រុក ចុះពិនិត្យទីតាំងឈូសឆាយព្រៃមិនមានច្បាប់អនុញ្ញាត ០១កន្លែង ស្ថិតនៅចំណុចកំពង់ខ្លឹម ភូមិបាក់អង្រុត ឃុំដងពែង ស្រុកស្រែអំបិល ដែលបានសំអាតព្រៃធ្វើផ្លូវ ចំនួន ០១ខ្សែ  ដែលមានទទឹង ០៥ម៉ែត្រ បណ្តោយ ៥០០ម៉ែត្រ ចាប់ពីព្រំប្រទល់ដីក្រុមហ៊ុន មកដល់មាត់ស្ទឹង ត្រង់ចំណុចនិយាមកា  (362095-1252397, 362067-1252928) ហើយទីតាំងនេះស្ថិតក្នុងដីអនុក្រឹត្យលេខ ៣០ អនក្រ.បក តែជាប់គម្រោងរេដបូកខេត្ត។ អ្នកបង្កហេតុជាម្ចាស់គ្រឿងចាក់ឈ្មោះ លី សូហ៊ រស់នៅភូមិព្រះអង្គកែវ ឃុំដងពែង ស្រុកស្រែអំបិលខេត្តកោះកុង និងម្ចាស់ដីឈ្មោះ ខែង រស់ នៅភូមិត្រពាំង ឃុំត្រពាំង ស្រុកស្រែអំបិលខេត្តកោះកុង) និងបានធ្វើការឃាត់គ្រឿងចក្រ អេស្កាវាទ័រ ចំនួន ០១គ្រឿង និងមនុស្សចំនួន ០១នាក់ ឈ្មោះ លី សូហ៊ ភេទ ប្រុស អាយុ ៣០ឆ្នាំ។ បច្ចុប្បន្នវត្ថុតាង និងមនុស្សបានយកទៅអធិការដ្ឋាននគរបាលស្រុក ដើម្បីកសាងសំណុំរឿងតាមនីតិវិធី។

ប្រភព ញ៉ាក់ ឆៃយ៉ា