វេលាម៉ោង ២:០០នាទីរសៀល ព្រះគ្រូ ខឹម ខុន ព្រះអនុគណស្រុកបូទុមសាគរ បានប្រគល់ជូននូវវត្ថុទានមួយចំនួនដល់អនុសាខាកាកបាទក្រហមស្រុកបូទុមសាគរ ដើម្បីប្រើប្រាស់តាមសមគួរ ដោយវត្ថុទានរួមមាន
-មី ៥កេស
-អង្ករ២បាវ
-ទឹកសុទ្ធវីតាល់២កេស
-ទឹកផ្លែឈើ១កេស
-និងថវិកា៦០ម៉ឺនរៀល
ស្របគ្នានោះដែរ លោកអភិបាលស្រុក និងជាប្រធានអនុសាខាកាកបាទក្រហមស្រុក ក៏បានសំដែងនូវទឹកចិត្តនិងថ្លែងអំណរព្រះគុណយ៉ាងជ្រាលជ្រៅ ចំពោះទឹកព្រះទ័យរបស់ព្រះគ្រូអនុគណ ដែលជានិច្ចកាល ព្រះអង្គតែងតែយកចិត្តទុកដាក់និងឧបត្ថម្ភជាសម្ភារនានានិងថវិកាតាមលទ្ធភាព ជូនដល់អនុសាខាកាកបាទក្រហមកម្ពុជាស្រុក ហើយលោកប្រធានអនុសាខាកាកបាទក្រហមស្រុក ក៏បានប្រគេនពរព្រះគ្រូអនុគណ សូមព្រះមានសុខភាពល្អបរិបូរ និងដឹកនាំវិស័យសាសនាឲ្យមានការរីកចំរើនតរៀងទៅ។
ប្រភពៈរដ្ឋបាលស្រុកបូទុមសាគរ
====================
ថ្ងៃចន្ទ ២ កើត ខែពិសាខ ឆ្នាំខាល
ចត្វាស័ក ពុទ្ធសករាជ ២៥៦៥
ត្រូវនឹងថ្ងៃទី២ ខែឧសភា ឆ្នាំ២០២២
ខែឧសភា 2, 2022
