រដ្ឋបាលស្រុកបានបើកិច្ចប្រជុំកិច្ចប្រជុំផ្សព្វផ្សាយសេចក្ដីណែនាំលេខ ០០៨/២២ ស.ណ.ន ចុះថ្ងៃទី២៥ ខែមីនា ឆ្នាំ២០២២ ស្ដីពីការរៀបចំបុណ្យចូលឆ្នាំប្រពៃណីជាតិ ឆ្នាំខាល ចត្វាស័ក ព.ស.២៥៦៦ គ.ស២០២២ និងផ្សព្វផ្សាយអំពីបរិស្ថាននៅក្នុងមូលដ្ឋានស្រុកបូទុមសាគរ ក្រោមអធិបតីភាព លោក ហាក់ ឡេង អភិបាល នៃគណៈអភិបាលស្រុកបូទុមសាគរ ដោយមានការអញ្ជើញចូលរួមពីសំណាក់ លោក លោកស្រី អភិបាលរងស្រុក លោកនាយក រដ្ឋបាលស្រុក លោក មេបញ្ជាការ បញ្ជាការរងកងកម្លាំប្រដាប់អាវុធទាំងបីប្រភេទ លោក លោកស្រីប្រធានការិយាល័យទាំង១៣នៃរដ្ឋបាលស្រុក នាយក នាយករង ឧទ្យានជាតិបូទុមសាគរនាយក នាយករងតំបន់ប្រើប្រាស់ច្រើនយ៉ាងដងពែង នាយផ្នែករដ្ឋបាលព្រៃឈើអណ្ដូងទឹក នាយផ្នែករដ្ឋបាលជលផល អាជ្ញាធរឃុំទាំង៤ អាជ្ញាធរភូមិទាំង២១ គណៈកម្មការអាចារ្យវត្ត លោកនាយកវិទ្យាល័យថ្មស និងប្រជាពលរដ្ឋដែលរស់នៅតាមបណ្ដោយផ្លូវជាតិលេខ៤៨ក្នុងភូមិជីមាល និងភូមិអណ្ដូងទឹក ឃុំអណ្ដូងទឹក។នៅក្នុងក្នុងកិច្ចប្រជុំផ្សព្វផ្សាយនោះដែរលោក អភិបាលស្រុកបានមានមតិថា៖
១.សូមបងប្អូនប្រជាពលរដ្ឋនៅតាមបណ្ដោយផ្លូវជាតិ៤៨ ក៏ដូចជានៅតាមភូមិ ទីវត្តអារាម សូមជួយរក្សាអនាម័យបរិស្ថានឱ្យបានស្អាតទាំងអស់ ហើយរដ្ឋបាលស្រុកនឹងធ្វើការប្រឡងប្រណាំងទៅលើប្រជាពលរដ្ឋ តាមទីវត្តអារាម ដែលបានអនុវត្តបានល្អមានការទុកដាក់បែងចែកសំរាមឱ្យបានត្រឹមត្រូវបានល្អទៅតាមប្រភេទសំរាមយកទៅកែច្នៃរបាន កាកសំណល់សរីរាង្គដែលអាចរលួយ និងសំរាមផ្សេង ៗទៀត ទុកដាក់បានត្រឹមត្រូវរដ្ឋបាលស្រុកជាអ្នកចេញថ្លៃភាស៊ីប្រចាំខែឱ្យ
២.សូមបងប្អូនប្រជាពលរដ្ឋសំអាតអនាម័យតាមផ្ទះរៀងខ្លួនឱ្យស្អាត និងដាក់ទង់ជាតិ នៃព្រះរាជាណាចក្រកម្ពុជាតាមផ្ទះដើម្បីអបអរសាទរថ្ងៃបុណ្យចូលឆ្នាំថ្មី ប្រពៃណីជាតិ
៣.សូមតាមទីវត្តអារាមបង្កើតល្បែងប្រជាប្រិយដើម្បីឱ្យបងប្អូនប្រជាពលរដ្ឋបានទៅលេងកំសាន្ត និងមានការតាំងលក់ដូរដែលជាផលិតផលនៅក្នុងភូមិឃុំស្រុកជារបស់យើង
៤.បន្ទាប់ពីការរៀបចំពិធីចូលឆ្នាំសំណូមពរដល់ លោកមេបញ្ជាការ មេបញ្ជាការរងកងកម្លាំងប្រដាប់អាវុធទាំងបីប្រភេទសូមជួយរៀបចំការពារសន្តិសុខសណ្ដាប់ធ្នាប់តាមទីវត្តអារាម និងទីប្រជុំជន
ប្រភពៈរដ្ឋបាលស្រុកបូទុមសាគរ
====================
ថ្ងៃអង្គារ ៤ កើត ខែចេត្រ ឆ្នាំឆ្លូវ
ត្រីស័ក ពុទ្ធសករាជ ២៥៦៥
ត្រូវនឹងថ្ងៃទី៥ ខែមេសា ឆ្នាំ២០២២
ខែមេសា 5, 2022
ឆេងម៉េង (Tomb-Sweeping Day - Qingming Festival)
