រដ្ឋបាលខេត្តកោះកុង

ថ្ងៃព្រហស្បតិ៍ ៧រោច ខែផល្គុន ឆ្នាំឆ្លូវត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៤ ខែមីនា ឆ្នាំ២០២២ វេលាម៉ោង ៨ :០០ នាទីព្រឹក ក្រុមការងារទីចាត់ការផែនការ និងវិនិយោគខេត្តកោះកុង បានបើកវគ្គផ្សព្វផ្សាយសេចក្តីណែនាំស្ដីពីដំណើរការចាប់ផ្ដើមរៀបចំ និងកសាងកម្មវិធីវិនិយោគបីឆ្នាំរំកិលរបស់រដ្ឋបាលខេត្តឆ្នាំ ២០២៣- ២០២៥ នៅថ្នាក់រដ្ឋបាលក្រុង ស្រុក ក្រោមអធិបតីភាពលោក យូ មី ប្រធានក្រុមប្រឹក្សាក្រុងខេមរភូមិន្ទ និងលោកសៀង កក្កដា អភិបាលរង នៃគណៈអភិបាលក្រុងខេមរភូមិន្ទ ព្រមទាំងមានសមាសភាពអញ្ជើញចូលរួមមានប្រធានការិយាល័យទាំងអស់នៃរដ្ឋបាលក្រុងក្រុងខេមរភូមិន្ទ ចៅសង្កាត់ ចៅសង្កាត់រង និងស្មៀនទាំង៣។វគ្គផ្សព្វផ្សាយនេះបានរៀបចំឡើងក្នុងគោលបំណងដើម្បីឲ្យអ្នកពាក់ព័ន្ធបានយល់ពីខ្លឹមសារនៃសេចក្តីណែនាំស្ដីពីការរៀបចំ និងកសាងកម្មវិធីវិនិយោគបីឆ្នាំរំកិលខេត្ត និងលិខិតបទដ្ឋាននានាជាធរមាន ជាពិសេសជួយឲ្យបានយល់អំពីការអនុវត្តតួនាទីភារកិច្ច និងការទទួលខុសត្រូវរបស់រដ្ឋបាលនីមួយៗ ក្នុងការប្រមូលធាតុចូលសម្រាប់ការរៀបចំ និងកសាងកម្មវិធីវិនិយោគបីឆ្នាំរំកិលខេត្ត ២០២៣-២០២៥។

វគ្គផ្សព្វផ្សាយនេះបានរៀបចំឡើងនៅសាលប្រជុំសាលាក្រុងខេមរភូមិន្ទ។

#ប្រភពពីរដ្ឋបាលក្រុងខេមរភូមិន្ទ#