រដ្ឋបាលខេត្តកោះកុង

ឯកឧត្ដម Pablo Kang ឯកអគ្គរដ្ឋទូតអូស្ត្រាលី បានអញ្ជើញជួបសម្ដែងការគួរសម និងពិភាក្សាការងារ ជាមួយលោកជំទាវ មិថុនា ភូថង អភិបាល នៃគណ:អភិបាលខេត្តកោះកុង។ ក្នុងកិច្ចជំនួបនេះ ឯកឧត្ដម ឯកអគ្គរដ្ឋទូត បានលើកទ្បើងនូវការអភិវឌ្ឍកោះទទឹង និងការផ្ដល់អាហារូបករណ៍ ដល់សិស្សានុសិស្ស មន្ត្រីរាជការ និងមន្ត្រីអន្តោប្រវេសន៍ នៅតាមច្រកព្រំដែនអន្តរជាតិ ជាពិសេស ផ្ដោតសំខាន់ទៅលើមន្ត្រីនគរបាលអន្តោប្រវេសន៍ជាស្ត្រី ដែលបម្រើការងារនៅច្រកទ្វារព្រំដែនអន្តរជាតិចាំយាម និងបានលើកទ្បើងពីការផ្ដល់ទូក្លាសេវ៉ាក់សាំង ជូនដល់រដ្ឋបាលខេត្ត។ ជាមួយគ្នានោះផងដែរ លោកជំទាវ អភិបាល ក៏បានស្នើសូមអាហារូបករណ៍ ឯកឧត្ដម អគ្គរដ្ឋទូត នូវវគ្គសិក្សាផ្សេងៗ (វគ្គរយៈពេលខ្លី ឬរយះពេលវែង)ដល់សិស្សានុសិស្ស មន្ត្រីរាជការខេត្តកោះកុង ដើម្បីអភិវឌ្ឍន៍ចំណេះដឹង ជំនាញបន្ថែមទៀត៕

ថ្ងៃព្រហស្បតិ៍ ៧ រោច ខែផល្គុន ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៤ ខែមីនា ឆ្នាំ២០២២ March 24, 2022