វេលាម៉ោង ០៤:០០ នាទីរសៀល លោក ហាក់ ឡេង អភិបាល នៃគណៈអភិបាលស្រុកបូទុមសាគរ បានដឹកនាំក្រុមការងារថ្នាក់ស្រុក ដែលមានការចូលរួមពីកងកម្លាំងប្រដាប់អាវុធទាំងបី ភូមិ ឃុំ ដើម្បីសំណេះសំណាល និងស្ដាប់ពីកង្វល់ បញ្ហាប្រឈម សំណួរនិងសំណូមពររបស់ប្រជាពលរដ្ឋក្នុងភូមិជីមាល ឃុំអណ្តូងទឹក ក្នុងនោះដែរប្រជាពលរដ្ឋបានលើកសំណួរចំនួន០៨ និងសំណូមពរ០៣ហើយអាជ្ញាធរបានដោះស្រាយបញ្ហាទាំងនោះរួចរាល់។ បន្ទាប់មកលោកអធិការស្រុក ក៏បានសំណូមពរឲ្យប្រជាពលរដ្ឋក្នុងមូលដ្ឋានកុំឲ្យប្រព្រឹត្តល្បែងស៊ីសង ព្រោះវាជាសកម្មភាពខុសច្បាប់។ កម្មវិធីនេះបានប្រារព្ធធ្វើឡើង នៅភូមិជីមាល ឃុំអណ្តូងទឹក ស្រុកបូទុមសាគរ ខេត្តកោះកុង។
ប្រភព:រដ្ឋបាលស្រុកបូទុមសាគរ
=========================
ថ្ងៃពុធ ៨ កើត ខែមាឃ ឆ្នាំឆ្លូវ
ត្រីស័ក ពុទ្ធសករាជ ២៥៦៥
ត្រូវនឹងថ្ងៃទី៩ ខែកុម្ភៈ ឆ្នាំ២០២២
ថ្ងៃនេះ ជាថ្ងៃសីល
February 9, 2022
