រដ្ឋបាលស្រុកកោះកុង: ថ្ងៃព្រហស្បតិ៍ ១កើត ខែផល្គុន ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី៣ ខែមីនា ឆ្នាំ២០២២ លោកស្រី កង ឡាយ មេឃុំត្រពាំងរូង បានដឹកនាំក្រុមការងាររួមមាន:ជំទប់ទី១ ជំទប់ទី២ឃុំ សមាជិក ក្រុមប្រឹក្សាឃុំ និងនាយប៉ុស្តិ៍នគរបាលរដ្ឋបាលឃុំ ដោយសហការជាមួយអធិការរងស្រុក ចូលរួមរំលែកទុក្ខដល់គ្រួសារសព លោក ម៉ ផនឆៃ អាយុ៥៣ឆ្នាំ ដែលបានស្លាប់ដោយសារខ្យល់គរ (ជម្ងឺហឺតប្រចាំកាយ ) និងបាននាំយកថវិកា ចំនួន ៣០០.០០០រៀលគត់ ជាថវិកា លោក ទេព វិស្កុល ប្រធានមន្ទីរសេដ្ឋកិច្ច និងហិរញ្ញវត្ថុខេត្តកោះកុង និងជាប្រធានក្រុមការងារថ្នាក់ខេត្ត ចុះមូលដ្ឋានឃុំត្រពាំងរូង នៅវត្តត្រពាំងរូង ស្ថិតនៅភូមិដីទំនាប ឃុំត្រពាំងរូង ស្រុកកោះកុង ខេត្តកោះកុង។
ប្រភព: រដ្ឋបាលឃុំត្រពាំងរូង
