លោក ទេព ស៊ីថា ប្រធានផ្នែកទទួលពាក្យបណ្ដឹង និងកិច្ចការរដ្ឋបាល លោក អ៊ួង សំអឿន ប្រធានផ្នែកច្បាប់ និងស៊ើបអង្កេតនៃការិយាល័យប្រជាពលរដ្ឋខេត្ត បានចុះបើកប្រអប់សំបុត្រនៅខាងមុខសាលាខេត្ត ខាងមុខអង្គភាពច្រកចេញចូលតែមួយនៃរដ្ឋបាលខេត្ត ខាងមុខមន្ទីរ អង្គភាព សាលាឃុំ សង្កាត់ ស្រុកមណ្ឌលសីមា និងក្រុងខេមរភូមិន្ទ ដើម្បីប្រមូលពាក្យបណ្ដឹង និងព័ត៍មានផ្សេងៗពីប្រជាពលរដ្ឋ
មន្ទីរវប្បធម៌និងវិចិត្រសិល្ប:ខេត្តកោះកុង បានប្រារព្វទិវាវប្បធម៌ជាតិ ៣មីនា លេីកទី២៤ ឆ្នាំ២០២២ ក្រោមប្រធានបទ “ យុវជនដេីម្បីវប្បធម៌ជាតិ “។
ព្រឹកថ្ងៃព្រហស្បតិ៍ ១កេីត ខែផល្គុន ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី៣ ខែមីនា ឆ្នាំ២០២២ មន្ទីរវប្បធម៌និងវិចិត្រសិល្ប:ខេត្តកោះកុង បានប្រារព្ធទិវាវប្បធម៌ជាតិ ៣មីនា លេីកទី២៤ ឆ្នាំ២០២២ ក្រោមប្រធានបទ “ យុវជនដេីម្បីវប្បធម៌ជាតិ “ នៅសាលមហោស្រពខេត្តកោះកុង។ អង្គពិធីប្រារព្វធ្វេីឡេីងក្រោមអធិបតីភាព ឯកឧត្ដម ស្រេង ហុង អភិបាលរងនៃគណអភិបាលខេត្តកោះកុង តំណាងលោកជំទាវ មិថុនា ភូថង អភិបាលនៃគណអភិបាលខេត្ត ប្រធានមន្ទីរ/អនុប្រធានមន្ទីរតាមបណ្ដាអង្គភាព ស្ថាប័នមានសមត្ថកិច្ច សហភាពសហព័ន្ធយុវជនខេត្ត ប្អូនៗកាយរិទ្ធ កាកបាទក្រហម សិស្សានុសិស្ស សរុបប្រមាណ១៥០នាក់។
