រដ្ឋបាលខេត្តកោះកុង

លោក សុខ សុទ្ធី អភិបាលរងខេត្តកោះកុង ដោយមានការណែនាំ និងអនុញ្ញាតពីលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញជួបប្រជុំពិភាក្សាការងារ ជាមួយក្រុមការងារ អាជ្ញាធរជាតិដោះស្រាយទំនាស់ដីធ្លី ដែលដឹកនាំដោយឯកឧត្តម ប៉ែន រ័ត្ន អនុរដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់។ គោលបំណងនៃកិច្ចប្រជុំពិភាក្សានេះ គឺដើម្បីដោះស្រាយបញ្ហាដីធ្លី ជូនប្រជាពលរដ្ឋរងផលប៉ះពាល់ដោយសារគម្រោងវិនិយោគក្រុមហ៊ុនយូញៀន (ប្រជាពលរដ្ឋប្រភេទ១ រស់នៅភូមិចម្លងគោ ឃុំតានូន ស្រុកបូទុមសាគរ) ដែលនៅសេសសល់ មិនទាន់បានទទួលយកការដោះស្រាយគោលនយោបាយ របស់រាជរដ្ឋាភិបាល។
ថ្ងៃព្រហស្បតិ៍ ៨ រោច ខែមាឃ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៤ ខែកុម្ភៈ ឆ្នាំ២០២២ ថ្ងៃនេះ ជាថ្ងៃសីល February 24, 2022