លោក សំឃិត វៀន អភិបាលខេត្តស្តីទី តំណាងលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញជាអធិបតីក្នុងពិធីបើកការប្រកួតបាល់ទាត់វ័យចំណាស់ពានរង្វាន់លោកជំទាវ មិថុនា ភូថង អភិបាលខេត្តកោះកុង និងស្វាមី នៅសាលាបឋមសិក្សារស្មីសាមគ្គី។

លោកអភិបាលខេត្តស្តីទី បានលើកឡើងថា លោកជំទាវអភិបាលខេត្តកោះកុង និងស្វាមី បានរៀបចំជាពានរង្វាន់សម្រាប់បងប្អូន ជាកីឡាករវ័យចំណាស់ដែលមានអាយុចាប់ពី៤៣ ឆ្នាំឡើង ទាំងនេះក៏មានការសហការយ៉ាងល្អពីលោកអភិបាលរងក្រុង ដែលបានប្រមូលផ្តុំបងប្អូនងាកមកលេងកីឡា ដើម្បីសុខភាពទាំងអស់គ្នា ជាការរួមសាមគ្គីគ្នា ក្នុងការប្រកួត បង្កើនមិត្តភាព។ បងប្អូនត្រូវធ្វើការជាក្រុម ដើម្បីទទួលបានជ័យជំនះ ក្នុងការប្រកួត និងសម្រេចគោលដៅរួម របស់ក្រុម កីឡាពិតជានាំមកនូវសុខភាព មួយទៀតជាការបង្ហាញដល់យុវវ័យឲ្យនាំគ្នាមកលេងកីឡា ជៀសវាងពីការប្រព្រឹត្តខុសឆ្លងពីឧបាយមុខនានា។ លោកជំទាវអភិបាល និងស្វាមី បានផ្តួចផ្តើមជា ពានរង្វាន់ គឺដើម្បី ជាការលើកទឹកចិត្តដល់បងប្អូន ដែលមានអាយុច្រើន នាំគ្នាមកលេងកីឡាទាំងអស់គ្នា។ ទន្ទឹមនេះផងដែរ សូមបងប្អូនទប់ស្កាត់ និងការពារ ការរីករាលដាលជំងឺកូវីដ-១៩ ទាំងអស់គ្នា ទាំងក្នុងទីលាន និងក្នុងសហគមន៍៕
ថ្ងៃអង្គារ ៦ រោច ខែមាឃ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២២ ខែកុម្ភៈ ឆ្នាំ២០២២ February 22, 2022