មន្ត្រីឧទ្យានុរក្សនៃមន្ទីរបរិស្ថានខេត្តកោះកុង ស្នាក់ការត្រពាំងរូងនៃ ដែនជម្រកសត្វព្រៃតាតៃបានចុះល្បាតទប់ស្កាត់បង្រ្កាបបទល្មើសធនធានធម្មជាតិនៅចំណុចវាលតាភូ ស្ថិតក្នុង ភូមិត្រពាំងរូង ឃុំត្រពាំងរូង ស្រុកកោះកុង ខេត្តកោះកុង
នៅថ្ងៃទី១៧ ខែកុម្ភះ ឆ្នាំ២០២២ កម្លាំងមន្ត្រីឧទ្យានុរក្សនៃដែនជម្រកសត្វព្រៃតាតៃ បានសហការជាមួយ អ.ហ.ផ.ទ និងអង្គការសម្ព័ន្ធមិត្តសត្វព្រៃ ចុះល្បាតទប់ស្កាត់បង្រ្កាបបទល្មើសធនធានធម្មជាតិ ដោយម៉ូតូចំនួន ៣គ្រឿង និងថ្មើរជើង ក្នុងដែនជម្រកសត្វព្រៃតាតៃ ចំណុចវាលតាភូ ត្រង់និយាមកាលេខ (០៣១៦៤៦២-១២៦៧៣៤៦) ស្ថិតនៅ ភូមិត្រពាំងរូង ឃុំត្រពាំងរូង ស្រុកកោះកុង ខេត្តកោះកុង បានជួបប្រទះឃើញ (សត្វឈ្លូស) ចំនួន១ក្បាល ជាប់អន្ទាក់ងាប់ឡេីងស្អុយ ដែលមានទម្ងន់ប្រហែលជា ២៥គីឡូក្រាម រួចហើយក្រុមការងារបានដេីរដោះអន្ទាក់បានចំនួន ២៨៩ខ្សែ ជាប្រភេទខ្សែគោពណ៌សរ ដែលបង្ករដោយ (អញ្ញតតជន) ចំពោះវត្ថុតាង(ខ្សែអន្ទាក់)ក្រុមការងារបានយកមករក្សាទុកនៅស្នាក់ការល្បាតត្រពាំងរូង ។
