លោក សាង ស៊ីណេត អភិបាលរង នៃគណៈអភិបាលស្រុក បានអញ្ជើញចូលរួមជាអធិបតីភាព ក្នុងពិធីបោះឆ្នោតជ្រើសតាំង សមាសភាពអាចារ្យនិងគណ:កម្មការវត្តគិរីសាគរ ហៅវត្តចម្លងគោ សម្រាប់អាណត្តិថ្មី ស្តិតនៅភូមិចម្លងគោ
លោក សាង ស៊ីណេត អភិបាលរង នៃគណៈអភិបាលស្រុក បានអញ្ជើញចូលរួមជាអធិបតីភាព ក្នុងពិធីបោះឆ្នោតជ្រើសតាំងសមាសភាពអាចារ្យនិងគណ:កម្មការវត្តគិរីសាគរ ហៅវត្តចម្លងគោ សម្រាប់អាណត្តិថ្មី ស្តិតនៅភូមិចម្លងគោ ឃុំថ្មស ស្រុកបូទុមសាគរ ខេត្តកោះកុង។
ពិធីបោះឆ្នោតនេះ មានការនិមន្តនិងអញ្ជើញចូលរួមពី ព្រះវិន័យធរស្រុក ព្រះចៅអធិការវត្តចម្លងគោនិងអាជ្ញាធរភូមិឃុំ ព្រមទាំងពុទ្ធបរិស័ទចំណុះជើងវត្ត សរុបប្រមាណ៤៥ អង្គ/នាក់ និងមានរបៀបវារ:ដូចខាងក្រោម
– ប្រកាសហេតុនិងគណ:អធិបតី
– មតិស្វាគមន៍របស់ លោក គឹម ជឿង ជំទប់ទី១នៃឃុំថ្មស
– ការជម្រាបជូនពីនីតិវិធីខ្លះៗក្នុងដំណើរការបោះឆ្នោតមានលក្ខណ:ជាកញ្ចប់
– ដំណើរការបោះឆ្នោត និងលទ្ធផលនៃសន្លឹកឆ្នោត
– មតិសំណេះសំណាលរបស់លោកអភិបាលរងស្រុក
– ដឹកនាំផ្សាយមេត្តាធម៌ ដោយព្រះគ្រូវិន័យធរស្រុកនិងបញ្ចប់កម្មវិធី។
ជាលទ្ធផលបោះឆ្នោត មានអ្នកចូលរួមបោះឆ្នោត មានចំនួន៣៦នាក់ ហើយលទ្ធផល ទទួលបាននូវការគាំទ្រ ៣៦ លើ៣៦ សម្លេងទំាងផ្នែកអាចារ្យ និងគណ:កម្មការវត្ត។
ប្រភពៈរដ្ឋបាលស្រុកបូទុមសាគរ
====================
ថ្ងៃពុធ១៥កើត ខែមាឃ ឆ្នាំឆ្លូវ
ត្រីស័ក ពុទ្ធសករាជ ២៥៦៥
ត្រូវនឹងថ្ងៃទី១៦ខែកុម្ភៈ ឆ្នាំ២០២២
